BolgeXeber.Com » Ölkə » Azərbaycanda Ramazanın ilk Qədr gecəsinin vaxtı AÇIQLANDI

Azərbaycanda Ramazanın ilk Qədr gecəsinin vaxtı AÇIQLANDI

11-05-2020, 13:41

Oxunub: 4 113 Sabah Azərbaycanda Ramazan ayının ilk Qədr (Əhya) gecəsi olacaq.
Bolgexeber.com xəbər verir ki, bunu APA-ya açıqlamasında Qafqaz Müsəlmanları İdarəsinin sədr müavini Fuad Nurullayev bildirib.
Onun sözlərinə görə, bu il ilk Qədr gecəsi mayın 12-dən 13-nə keçən gecəyə təsadüf edir:
“Bu ilin Qədr gecələri mayın 12-i (Ramazanın 18-ci günü), 14-ü (Ramazanın 20-ci günü) və 16-sı (Ramazanın 22-ci günü) olacaq. Bir də məxsusi bir Qədr gecəsi var ki, bu da Ramazanın 26-cı gününün axşamı olur. Quranda “Qədr” surəsinin 26 kəliməsi var. Ona görə də deyirlər, ola bilsin ki, həmin gecə də Qədr gecəsi olsun. Bu il həmin Qədr gecəsi mayın 20-dən 21-nə keçən gecəyə təsadüf edir”.
Qeyd edək ki, bu il Azərbaycanda Ramazan ayı aprelin 25-də başlayıb. Mayın 24-ü Ramazan (Fitr) bayramıdır.

Çox Oxunanlar