BolgeXeber.Com » Ölkə » Hava kəskin soyudu: Bu gün Bakıya qar yağacaq

Hava kəskin soyudu: Bu gün Bakıya qar yağacaq

24-12-2020, 10:51

Oxunub: 1 128

Dünəndən başlayan yağışlı hava şəraiti hələ də davam edir.
Hazırda paytaxt Bakıya şiddətli yağış yağır. Hava şəraitinin kəskin pisləşəcəyi haqda Milli Hidrometeorologiya Xidməti xəbərdarlıq yayıb.

Bildirilir ki, dekabrın 25-i səhərədək Bakıda və Abşeron yarımadasında hava şəraitinin qeyri-sabit keçəcəyi, arabir yağıntılı olacağı, bəzi yerlərdə intensivləşəcəyi gözlənilir.
Dekabrın 24-ü axşamdan 25-i səhərədək şəhərətrafı ərazilərdə yağıntının sulu qara keçəcəyi ehtimalı var. Şimal-qərb küləyinin sürəti 15-18 m/s, bəzi yerlərdə arabir 20-25 m/s-dək güclənəcək.
Dekabrın 23-dən 25-i səhərədək ölkə ərazisində hava şəraitinin qeyri-sabit keçəcəyi, arabir yağış, dağlıq və dağətəyi rayonlarda qar yağacağı, ayrı-ayrı yerlərdə intensiv olacağı gözlənilir. Qərb küləyi 15-20 m/s, ayrı-ayrı yerlərdə arabir 23-28 m/s-dək güclənəcək.
Dağlıq rayonlarda yolların buz bağlama ehtimalı var.

Çox Oxunanlar