BolgeXeber.Com » Ölkə » Ağdam RPŞ-nin və rayon Prokurorluğunun əməkdaşları şəhid və qazi ailələrini ziyarət edib-FOTO

Ağdam RPŞ-nin və rayon Prokurorluğunun əməkdaşları şəhid və qazi ailələrini ziyarət edib-FOTO

31-12-2020, 10:33
Oxunub: 544 İkinci Qarabağ müharibəsində qəhrəmanlıq salnaməmizi yazan əsgər və zabitlərimiz Vətən müharibəsindən zəfərlə ayrıldılar. Onların sırasında şəhid olanlar, qazilər vardır. Vətən uğrunda özünü cəbhəyə atan bu igid hərbçilərimizin ailələri də 44 günlük hərbi əməliyyatlar dövründə övladları qədər mətin iradə və fədakarlıq nümayiş etdirdilər.
Bolgexeber.com-a DİN Mətbuat xidmətindən verilən məlumata görə polis və prokurorluq orqanlarının əməkdaşları respublikamızın şəhər və rayonlarında şəhid və qazi ailələrinə baş çəkir, onlara dərin ehtiramlarını bildirir, qayğıları ilə maraqlanırlar. Növbəti belə ziyarət Ağdam Rayon Polis Şöbəsi və rayon Prokurorluğunun əməkdaşları tərəfindən gerçəkləşdirilib.
Görüşdə torpaqlarımızın azadlığı uğrunda döyüşüb şəhidlik zirvəsinə ucalan, qazi olan mərd oğullarımızla hər birimizin fəxr etdiyi diqqətə çatdırılıb. Qələbənin əldə edilməsi ilə şəhidlərimizin qanının yerdə qalmadığı xüsusi vurğulanıb, onların əziz xatirlərinin unudulmayacağına inam ifadə olunub. Qeyd olunub ki, hər bir şəhid, yaralanmış hərbçimizin ailəsi dövlətin himayəsindədir. Onların qayğıları bundan sonra da diqqət mərkəzində saxlanılacaqdır.