Bizimlə əlaqə | Reklam
BolgeXeber.Com » Ölkə » DYP yolların buz bağlaması ilə bağlı sürücülərə müraciət etdi

DYP yolların buz bağlaması ilə bağlı sürücülərə müraciət etdi

25-02-2021, 10:12
Oxunub: 3 824 Bakı Şəhər Dövlət Yol Polisi (DYP) İdarəsi əlverişsiz hava şəraiti ilə əlaqədar olaraq paytaxt ərazisində sürücülərə müraciət edib.
İdarənin şöbə rəisi, polis polkovniki Vaqif Əsədov bildirib ki, bəzi ərazilərdə yenə də buzlaşma və sürüşmə ehtimalı var:
“Bugünkü hava şəraiti ilə əlaqədar olaraq bir daha avtomobil sürücülərindən xahiş edirik ki, vəziyyəti və şəraiti düzgün təhlil etsinlər. Mümkün qədər şəxsi avtomobillərindən istifadə etməsinlər. Mərkəzə doğru bütün küçə və prospektlərdə təmizlik işləri davam etdirilir. Təhlükəsizliyi təmin etmək üçün əməkdaşlarımız gücləndirilmiş iş saatı ilə xidmətlərini davam etməklə yanaşı, enişli-yoxuşlu, sərt döngələr tərəfimizdən nəzarətə götürülüb, nizamlayıcı qismində ərazilərdə xidmət aparırıq. Avtomobillərin sürət həddini aşağı salmağı, ara məsafəsini normadan artıq götürməyi və yol boyu qoyulmuş yol nişanlarına uyğun hərəkət etməyi tövsiyə edirik. Həmçinin dövlət nömrə nişanlarının və işıq cihazlarının təmiz olması da vacibdir”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]