Bizimlə əlaqə | Reklam
BolgeXeber.Com » Ölkə » Şəhidin adını daşıyan məktəb qəzalı vəziyyətdədir - Foto

Şəhidin adını daşıyan məktəb qəzalı vəziyyətdədir - Foto

29-04-2021, 21:02
Oxunub: 6 112 730 şagirdin həyatı təhlükədə 
Cəlilabadın Maşlıq kəndinin şəhid Nizami Alışanov adına tam orta məktəbi illərdir ki, qəzalı vəziyyətdədir.
İnfom.az-a şikayət edən Maşlıq kənd sakinləri bildirib ki, onlar buna görə övladlarını məktəbə göndərmək istəmirlər. Onlar bildirib ki, məktəbdə 730 şagird təhsil alır.
Məktəb 1993-cü ildən Qarabağ müharibəsində şəhid olan kənd sakini Nizami Alışanovun adını daşıyır. Lakin illərdir ki, məktəb binası qəzalı vəziyyətdədir.
Bununla bağlı onlar aidiyyatı qurumlara məktubla müraciət etsələr də, bu günə kimi heç bir tədbir görülməyib.
Maşlıq kənd sakinləri bildiriblər ki, onlara yeni məktəb binası tikilməlidir. Buna görə də onlar aidiyyatı qurumlara müraciət etmək üçün redaksiyamıza üz tutublar.
 Onlar bildiriblər ki, ötən il qonşu kənd olan Muğan kəndinin qəzalı vəziyyətdə olan tam orta məktəbi kənddə doğulub boya-başa çatan jurnalist tərəfindən mətbuatda işıqlandırılandan sonra Heydər Əliyev Fondu tərəfindən kənddə yeni məktəb binası tikilib. Bundan ruhlanan Maşlıq kənd sakinləri Heydər Əliyev Fondu tərəfindən onlara da yeni məktəb binasının tikiləcəyinə ümidlidirlər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]