Bizimlə əlaqə | Reklam
BolgeXeber.Com » Ölkə » Azərbaycanda illərlə bağlı qalan cinayət çözüldü: Sevgilisini öldürüb qəbiristanlıqda gizlədibmiş

Azərbaycanda illərlə bağlı qalan cinayət çözüldü: Sevgilisini öldürüb qəbiristanlıqda gizlədibmiş

18-03-2022, 13:14
Oxunub: 2 792 Baş Prokurorluq və Daxili İşlər Nazirliyi Ağsuda beş il əvvəl törədilən cinayətlə bağlı məlumat yayıb.

Bolgexeber.com-a daxil olan məlumatda deyilir:

"1999-cu il təvəllüdlü Ağsu sakini Qəhrəmanova Ayşən Namizəd qızının 27 yanvar 2017-ci ilə itkin düşməsi faktına görə Ağsu rayon prokurorluğunda başlanmış cinayət işi təqsirləndirilən şəxsin müəyyən edilməməsi əsası ilə 2019-cu ildə dayandırılıb.

7 mart 2022-ci ildə iş üzrə icraat təzələnərək Baş Prokurorluğun Kriminalistika və informasiya texnologiyaları idarəsi tərəfindən istintaq-əməliyyat qrupu yaradılıb.

Müəyyən edilib ki, 1991-ci il təvəllüdlü Asif Manafov yaxın münasibətlərdə olduğu Ayşən Qəhrəmanovanı bıçaqla öldürüb meyiti əvvəlcə Qaraqaşlı kənd qəbristanlığında gizlədib. Yanvarın 28-də meyiti götürüb Kürdəmir rayonunda Şirvan kanalının yaxınlığında basdırıb.

16 mart 2022-ci ildə meyitin basdırıldığı yerdən insan skelet hissələri, geyim əşyalarının fraqmentləri aşkar edilərək götürülüb. 17 mart 2022-ci ildə Asif Manafov şübhəli şəxs qismində tutulub, dindirilərkən törətdiyi əməli etiraf edib".
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]