BolgeXeber.Com » Ölkə » Toylarla bağlı TƏKLİF - Yeni qanun hazırlansın!

Toylarla bağlı TƏKLİF - Yeni qanun hazırlansın!

5-05-2022, 18:37

Oxunub: 3 864

"İsrafçılığın qarşısının alınması məqsədilə, xüsusilə toy məclisləri ilə bağlı müəyyən tənzimləmələr olmalıdır".

Modern.az xəbər verir ki, belə təkliflə Milli Məclisin İqtisadi siyasət, sənaye və sahibkarlıq komitəsinin üzvü, iqtisadçı deputat Aydın Hüseynov parlamentin plenar iclasında çıxışı zamanı deyib.

Deputatın fikrincə, toy mərasimlərində israfa çox yol verilir: "Toy mərasimlərində müxtəlif çeşidli yeməklər, ərzaq məhsulları təqdim edilir. Təəssüf ki, onların böyük qismi istifadə edilmir və hətta atılır. Hesab edirəm ki, israfçılığın qarşısını almaq üçün inzibati və hüquqi cəhətdən addım atılmalıdır.

Bugünkü iclasda müzakirə etdiyimiz "Enerji resurslarından səmərəli istifadə və enerji effektivliyi haqqında" qanun layihəsinin simasında ərzaq məhsullarının səmərəli istifadəsi haqqında da qanun hazırlana bilər. Bu qanun israfçılığın azaldılmasına töhfə verəcəkdir".

Çox Oxunanlar