Bizimlə əlaqə | Reklam
BolgeXeber.Com » Ölkə » Bu gün ilk olaraq Tərtərdə barama tədarükünə başlanılıb

Bu gün ilk olaraq Tərtərdə barama tədarükünə başlanılıb

6-06-2022, 17:23
Oxunub: 3 992 Ölkəmizdə ənənəvi və ixracyönümlü təsərrüfat sahəsi olan baramaçılığın inkişaf etdirilməsi ilə bağlı həyata keçirilən tədbirlər öz bəhrəsini verməkdədir. Son illər Tərtər rayonunda da baramaçılığın inkişaf etdirilməsi istiqamətində zəruri tədbirlər həyata keçirilir.
Bolgexeber.com xəbər verir ki, ipəkqurdunun yem bazasının bərpası məqsədilə 2016-2021-ci illərdə 304,8 min ədəd çəkil tingi əkilmişdir ki, onun da 133 min ədədi Çin Xalq Respublikasından gətirilmiş tinglərdir. Mövcud və yeni əkilən tut ağacları, əhalinin baramaçılıq sahəsindəki təcrübəsi, həmçinin bu sahənin gəlirli olması baramaçılığın inkişafına marağı artırıb. 2016-cı ildə 1 ton , 2017-ci ildə 4,6 ton, 2018-ci ildə 10,2 ton, 2019-cu ildə 18.3 ton, 2020-ci ildə 12.1 ton, 2021-ci ildə 13.6 ton barama istehsal olunmuşdur. Bu il isə kümçülərə 330 qutu ipəkqurdu verilib. 13,2 ton barama istehsalı nəzərdə tutulub.
Artıq bu gündən rayonda yaş barama tədarükünə başlanılıb. Qəbul məntəqəsində baramanın qəbulu üçün lazimi şərait yaradılıb.
Tərtər Rayon İcra Hakimiyyətinin başçısı Müstəqim Məmmədov tədarükün ilk günü barama qəbulu məntəqəsində olub, kümçülərlə görüşüb, müvafiq tövsiyyələrini verib. Onlara məhsul yığımında uğurlar arzulayıb.
Mövsümün ilk günündə kümçülərin yetişdirdikləri 950 kiloqram məhsul “Azəripək” MMC nümayəndələri tərəfindən qəbul edilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]