BolgeXeber.Com » Mədəniyyət » Türkiyənin məşhur aktyoru-“Mahmut hoca” vəfat etdi

Türkiyənin məşhur aktyoru-“Mahmut hoca” vəfat etdi

5-01-2018, 14:35

Oxunub: 7 207

Türkiyənin məşhur kino aktyoru Münir Özkul 93 yaşında vəfat edib

Modern.az saytı Türkiyə KİV-lərinə istinadən xəbər verir ki, Münir Özkul bir neçə il idi ki, ağır xəstəlikdən əziyyət çəkirdi.

M.Özkul 15 avqust 1925-ci ildə İstanbulun Bakırköy məhəlləsində anadan olub. Karyerası boyunca yüzlərlə filmə çəkilib.1957-ci ildə kino ilə paralel çalışdığı dövlət teatrında rəhbər vəzifəsinə gətirilib. Əsl şöhrəti isə ona “Arzu Film Yapımları” şirkətində istehsal olunan filmlər gətirib.

Münir Özkul xüsusən “Nəşəli günlər”, “Mavi Muncuq “Arım, balım, pәtәyim”, “Bizim ailə” kimi filmlərdəki rolları ilə yadda qalsa da, “Hababam sinifi trilogiyasındakı “Mahmud hoca” obrazı ilə milyonların qəlbində taxt qurmağı bacardı. Bu onun aktyorluq zirvəsi idi.

Hər nə qədər zəngin və gözəl kino karyerası olsa da, Münirin həyatı bir o qədər gözəl keçməyib. Aktyor alkoqolizmlə uzun illər mübarizə aparıb və 90-cı ilin ortalarında asılılıqdan yaxa qurtara bilib. Bu asılılıq ona 3 ailəsi bahasına başa gəlib.

Aktyor düz 4 dəfə evli olub və 3 uşaq atasıdı. Sonuncu evliliyi 27 il əvvəl Ümman xanımla baş tutub. Türkiyədə tanınmış aktrisa və prodüsser Günər Özqul onun qızıdır.

Hazırda Demans xəstəliyi ilə (məntiqin itməsi) yaşayırdı və 2003-cü ildən bu günə kimi evindən bayıra çıxmırdı. Öz ailəsindən, həkimlərdən başqa yanına heç kim buraxılmırdı.

Aktyor xəstəliyi ilə əlaqədar hələ də Kamal Sunalın, Adilə Naşitin və bir çox dünyasını dəyişmiş sənət yoldaşlarının sağ olduğunu zənn edir və gerçəklə yalanı qarışdırırdı.

Türkiyənin xalq sənətçisi, “Qızıl portağal” və onlarla fəxri ad və mükafatlara sahibidir.

Allah rəhmət eləsin…

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]