İçərişəhərdə muzeylərə gələn turistlərin sayı və biletlərin qiyməti
18-08-2018, 10:50
Oxunub: 4 636
Bakıya gələn turistlərin ən çox baş çəkmək istədikləri məkanlardan biri “İçərişəhər” Dövlət Tarix-Memarlıq Qoruğudur
Bəs gün ərzində İçərişəhərdə ən çox turist qəbul edən muzey hansıdır və biletlərin qiymətləri arasında fərq varmı?
Trend-in bu sualını “İçərişəhər” Dövlət Tarix-Memarlıq Qoruğu İdarəsinin mətbuat xidmətinin rəhbəri Nərmin Azadgil cavablandırıb.
N.Azadgil bildirib ki, Qız Qalası və Şirvanşahlar Sarayı İçərişəhərdə turistlərin ən çox axın etdiyi tarixi yerlərdəndir:
“Bu muzeylər digərlərindən ziyarətçi sayına görə fərqlənir. Statistikaya görə, Qız Qalasına gün ərzində 1000 turist baş çəkir. Bayram günlərində, məsələn, Novruz bayramında bu rəqəm 3000-dən artıq olur. İçərişəhərdə Marionet teatrı da fəaliyyət göstərir. Hazırda tətildə olduqlarından tamaşa göstərilmir, ancaq teatr fəaliyyətdə olduğu zaman buraya da böyük maraq müşahidə edilir”.
İçərişəhərdəki muzeylərə giriş biletinin qiymətinə gəlincə, idarə rəsmisinin sözlərinə görə, qiymət yerli və xarici vətəndaşlara görə dəyişir:
“Qız Qalasına bilet 6 yaşadək uşaqlara pulsuzdur, məktəblilərə 20 qəpik, tələbələrə 1 manat, xarici tələbələrə (tələbə biletini təqdim etdikdə) isə 6 manatdır. Yerli vətəndaşlara giriş 2 manat, əcnəbilər üçünsə 12 manatdır”.
O əlavə edib ki, yerli sakinlər üçün Şirvanşahlar Sarayına giriş qiyməti Qız Qalasına ziyarətlə eyni olsa da, əcnəbilər üçün bir qədər fərqlidir. Belə ki, xarici turistlər Şirvanşahlar Sarayına baş çəkmək üçün 10 manat, xarici tələbələr isə 5 manat ödəməlidir:
“Sikkə və pul nümunələrinin nümayiş olunduğu Numizmatika Muzeyinə giriş də yerli vətəndaşlar üçün eyni qiymətədir. Bu muzeyə giriş xarici turistlər üçün 4 manat, xarici tələbələr üçün isə 2 manatdır.
Bəylər məscidinə giriş isə pulsuzdur”.
N.Azadgil qeyd edib ki, İçərişəhərdə 6 dildə fəaliyyət göstərən audiobələdçilər də var:
“Onların qiyməti xarici vətəndaşlar üçün 15 manat, yerli vətəndaşlar üçün 5 manat arasında dəyişir. Turist İçərişəhəri gəzərkən audiobələdçi xidmətindən istifadə etdikdə qoruğun daxilində olan bütün obyektlər barədə qulaqcıq vasitəsilə məlumat alır”.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər