BolgeXeber.Com » Mədəniyyət » Məşhur aktyor vəfat etdi

Məşhur aktyor vəfat etdi

26-10-2018, 14:09

Oxunub: 6 908

Rusiyanın məşhur Xalq artisti Nikolay Karaçençov 74 yaşında vəfat edib.

Bu acı xəbəri TASS agentliyinə aktyorun oğlu Andrey Karaçençov verib.

"Bəli, o, bu gün Moskvada yerləşən 62-ci xəstəxananın reanimasiyasında səhər saat 08.50 radələrində vəfat edib", - deyə Andrey bildirib.

Doğum günündən bir gün əvvəl vəfat edən aktyorun ölüm səbəbi haqqında hələ ki məlumat verilmir. Lakin məlumdur ki, oktyabrın əvvəllərində Nikolay Karaçençov ağciyər iltihablanmasından xəstəxanaya yerləşdirilmişdi.

Bundan bir il öncə aktyora ağciyər xərçəngi diaqnozu qoyulmuşdu. O, əvvəlcə Rusiyada bir neçə ay müalicə olunub, sonra isə həyat yoldaşı ilə İsrailə uçub, orada yerli həkimlər öz müsbət nəticələrini verən lazımi müalicə kursu təyin ediblər: Şiş çarpacaq dərəcədə azalıb.

Nikolay Karaçençov son bir neçə ayı vətənində kimyəvi üsulla müalicə kursu keçirdi, həmçinin ağciyər iltihabını azaltmaq üçün güclü antibiotiklər qəbul etməyə məcbur olub.

Aktyorun həyat yoldaşı Lyudmila Porqina agentliyə ərinin ölümündən danışıb: "Hazırda onun vida və dəfn mərasiminin təşkili ilə məşğuluq".

Xatırladaq ki, Karaçençov Rusiyada onlarla filmdə rol alıb. 2005-ci il fevral ayının 25-də o, avtomobil qəzasına düşüb və nəticədə beynindən ağır zədə alıb.

Sovet istehsalı olan bir çox filmlərdə yaratdığı obrazlarla tamaşaçı rəğbəti qazanan Nikolay Karaçençov “Elektronikin macəraları” filmində oynadığı Uri rolu ilə daha çox tanınır.

mənbə: publika.az

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]