Bizimlə əlaqə | Reklam
BolgeXeber.Com » Mədəniyyət » Rejissor Rövşən Almuradlı qəflətən dünyasını dəyişib

Rejissor Rövşən Almuradlı qəflətən dünyasını dəyişib

2-04-2019, 12:49
Oxunub: 5 331 Rejissor Rövşən Almuradlı qəflətən dünyasını dəyişibTanınmış kinorejissor Rövşən Almuradlı vəfat edib.

Modern.az-ın məlumatına görə, bu barədə mərhumun dostu, jurnalist Rəhman Orxan xəbər verib. 1954-cü il təvəllüdlü R.Almuradlı dayanacaqda avtobus gözləyən zaman səhhəti qəflətən pisləşib. Dərhal təcili tibbi yardım çağırılıb. Ancaq xəstəxanaya aparılarkən yolda dünyasını dəyişib.

“Rövşən Almuradlı bu gün səhər-səhər ürəktutmasından qəflətən vəfat edib. Azərbaycan Kinematoqrafiyası onun şəxsində özünün istedadlı, perspektivli bir kinorejissorunu, yaradıcılığının pərəstişkarı olan bizlər isə çox səmimi, əziz bir dostumuzu itirdik”.

R.Almuradlı bir vaxtlar aktyor kimi H.Ərəblinski adına Sumqayıt Dövlət Dram Teatrının səhnəsində çox maraqlı obrazlar yaradıb. Akademik Milli Dram Teatrının quruluşçu rejissoru kimi "Koroğlu", "Cavad xan" tarixi filmlərini çəkib. Ümumilikdə isə son 20 il ərzində 30-a qədər fim çəkib.

Allah rəhmət eləsin!
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]