BolgeXeber.Com » Mədəniyyət » 109 yaşlı “Ər və arvad”la həmyaşıd Akademik Musiqili Teatr

109 yaşlı “Ər və arvad”la həmyaşıd Akademik Musiqili Teatr

24-05-2019, 15:11

Oxunub: 5 360

109 il bundan öncə – 24 may 1910-cu ildə Üzeyir Hacıbəylinin ölməz səhnə əsəri – “Ər və arvad” musiqili komediyası ilə şərqdə ilk operetta janrı təşəkkül tapdı və Azərbaycan mədəniyyəti tarixində önəmli yeri olan həmin tamaşa ölkəmizdə Musiqili Teatrın gələcək inkişafına zəmin yaratdı

May ayının 26-da saat 19:00-da Azərbaycan Dövlət Akademik Musiqili Teatrınında oynanılacaq “Ər və arvad” tamaşasının növbəti nümayişi də bu əlamətdar günə həsr olunub.

Bir əsrdən çox müddətdə repertuardan düşməyən, tamaşaçılar tərəfindən böyük sevgi və maraqla qarşılanan bu səhnə əsəri nəinki ölkəmizdə, həm də onun hüdudlarından kənarda da daim uğurla nümayiş olunur, çox böyük maraq və coşquyla qarşılanır.

16 oktyabr 2010-cu ildə son quruluşda təqdim olunan tamaşanın rejissoru Yusif Əkbərov, quruluşçu-dirijoru Əməkdar incəsənət xadimi Nazim Hacıəlibəyov, dirijoru Əməkdar incəsənət xadimi Fəxrəddin Atayev, quruluşçu-rəssamı Əməkdar rəssam Eldar Qurbanov, baletmeysterləri Əməkdar artistlər Zakir və Yelena Ağayevlər, xormeysteri Əməkdar artist Vaqif Məstanov, konsertmeysteri Fidan Babayeva, rejissor assistentləri Elməddin Dadaşov və Tamilla Aslanovadır. Rollarda Xalq artisti Fatma Mahmudova, Əməkdar artistlər Ələkbər Əliyev, Nahidə Orucova, Rəsmiyyə Nurməmmədova, Elxan İsmayılov, Ağaxan Şərifov, aktyorlar Möylə Mirzəliyev, Əliməmməd Novruzov, Fərid Rzayev və Ruslan Mürsəlov ifa edirlər.eatr həftəsonunu əyləncəli keçirmək istəyən hər kəsi əsrlərə meydan oxuyan, heç vaxt aktullığını itirməyən və hamıya xoş ovqat bəxş edən böyük Üzeyir bəyin musiqisinə, “Ər və arvad” tamaşasına baxmağa dəvət edir.

6 manatdan başlanan biletləri şəhərin bütün teatr-konsert kassalarından və “ASAN xidmət” mərkəzlərindən, eləcə də “iticket.az” saytından əldə etmək olar.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]