Bizimlə əlaqə | Reklam
BolgeXeber.Com » Mədəniyyət » Kinoşünas Azərbaycanda çəkilən serialları tənqid edib

Kinoşünas Azərbaycanda çəkilən serialları tənqid edib

29-06-2020, 17:50
Oxunub: 6 874 “Azərbaycanda çəkilən seriallarda mövzu kasadlığı var”.
“Report” xəbər verir ki, bunu Azərbaycanın Əməkdar incəsənət xadimi, kinoşünas Aydın Kazımzadə Bakı Şəhər Mədəniyyət Baş İdarəsinin təşkil etdiyi onlayn söhbətdə bildirib.
Onun sözlərinə görə, serialların ssenariləri çox aşağı səviyyədədir və əsasən eyni tipli mövzu üzərində qurulur: “Seriallarda janr müxtəlifliyi yoxdur. Əvvəllər filmlərin ssenariləri Bədii Şuradan keçirilirdi, hər bir kəlməyə diqqətlə fikir verilirdi. Amma indi ssenari yazılan kimi dərhal çəkilir. Tələm-tələsik olanda ekran əsəri yadda qalmır”.
Kinoşünas rejissorları Qarabağ müharibəsi haqqında seriallar çəkməyə çağırıb: “Qarabağ müharibəsi hələ bitməyib və bu, hər bir azərbaycanlı ailənin dərdidir. Bu mövzuda seriallar lentə almaq üçün kifayət qədər sənədlər var”.
A.Kazımzadə Azərbaycan filmlərinin nüfuzlu beynəlxalq festivallarda təmsil olunmaları və müxtəlif mükafatlar almalarını arzu etdiyini deyib: “Bunun üçün ssenarilərə ciddi fikir verilməlidir. Yaxşı ssenarilər irəli çəkilməlidir. Bu məsələni yoluna qoymağa borcluyuq. Azərbaycan tamaşaçıları keyfiyyətli filmlər tələb edirlər. Məsələ həll olunsa, bu həm tamaşaçılar, həm də kinematoqrafçılar üçün yaxşı olacaq”. 
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]