Bizimlə əlaqə | Reklam
BolgeXeber.Com » Mədəniyyət » Azərbaycanlı şagirdlər İtaliyada keçirilən beynəlxalq müsabiqədə uğurla iştirak edib

Azərbaycanlı şagirdlər İtaliyada keçirilən beynəlxalq müsabiqədə uğurla iştirak edib

25-05-2021, 14:45
Oxunub: 5 328 Bərdə Regional Mədəniyyət İdarəsinin tabeliyində olan Yevlax şəhər 1 nömrəli Uşaq musiqi məktəbi İtaliyada keçirilən beynəlxalq müsabiqədə uğurla iştirak edib.
Bərdə Regional Mədəniyyət İdarəsi tərəfindən yeniyetmə və gənc istedadların üzə çıxarılması, dəstəklənməsi məqsədi ilə bir sıra layihələr və tədbirlər həyata keçirilir. Sözügedən məsələlərdən biri də Regional İdarənin tabeliyində fəaliyyət göstərən Uşaq musiqi və incəsənət məktəblərinin şagirdlərinin ölkə daxilində və xaricində keçirililən müsabiqələrdə, o cümlədən müxtəlif tipli festivallarda iştirakının təmin edilməsidir. Ölkə ərazisində pandemiya dövrü olmasına baxmayaraq müvafiq karantin qaydalarına əməl olunmaqla şagirdlərin müxtəlif müsabiqə və festivallarda iştirakı təmin edilmiş və bu kimi işlər davamlı olaraq aparılmaqdadır. Bu baxımdan növbəti iştirak regional idarənin tabeliyində fəaliyyət göstərən Yevlax şəhər 1 nömrəli Uşaq musiqi məktəbi tərəfindən həyata keçirilib. Belə ki, məktəbin şagirdi Dadaşova Aytac Maarif qızı İtaliyada keçirilən IV “Future Stars” Beynəlxalq onlayn müsabiqədə iştirak edərək 13-14 yaş qrupunda instrumenatal ifaçılıq üzrə I dərəcəli laureat diplomu ilə təltif olunmuşdur.
Sözügedən nailiyyətlər ilə bağlı regional idarənin rəisi İlyas Hacıyevin rəhbərliyi ilə məktəbin direktoru, müəllimi və müsabiqədə birincilik qazanan şagirdlə görüş keçirib. Görüşdə, həmçinin, regional idarənin aparat işçiləri, Qarabağ müharibəsi əlilləri, veteranları və şəhid ailələri ictimai birliyinin rayon şöbəsinin sədri Etibar Hüseynova və şagirdin valideyni də iştirak edib. Öncə idarə rəisi əldə olunmuş nailiyyətlərdən, ölkə xaricində Azərbaycan mədəniyyətinin təbliğ və tərənnüm edilməsi ilə bağlı görülən işlərdən bəhs edərək bildirib ki, “Bütün bunlar Ulu öndər Heydər Əliyevin əsasını qoyduğu dövlət mədəniyyət siyasətinin Prezident İlham Əliyev tərəfindən uğurla davam etdirilməsinin parlaq nümunəsidir. Digər tərəfdən, Azərbaycan mədəniyyətinin dünyada təbliği istiqamətində ardıcıl işlər görülür və mövcud reallıqlar, nəticələr olduqca yüksək qiymətləndirilir. Qeyd etmək istəyirəm ki, mədəniyyət sahəsinin daha da inkişafında, mədəni irsimizin qorunması və dünyada təbliğ olunmasında respublikamızın Birinci vitse-prezidenti, Heydər Əliyev Fondunun prezidenti Mehriban xanım Əliyevanın da müstəsna xidmətləri vardır”.
Daha sonra regional idarənin rəhbəri idarə üzrə qazanılan uğurlardan bəhs edib, bu barədə mədəniyyət işçilərinin fikirləri dinlənilib. Görüşün sonunda səmərəli fəaliyyətinə, gənc nəslin təlim-tərbiyəsində göstərdiyi xidmətlərə və beynəlxalq tədbirlərdə yüksək şagird hazırlığına görə Yevlax şəhər 1 nömrəli Uşaq musiqi məktəbinin müəllimi Sultanova Nigar İkram qızına və İtaliyada keçirilan “Future Stars” Beynəlxalq onlayn müsabiqəsində uğurlu iştirakına görə məktəbin şagirdi Dadaşova Aytac Maarif qızına Fəxri Fərman, o cümlədən qiymətli hədiyyələr tədqim olunub.
Qeyd edək ki, məktəbin kollektivi qısa müddət öncə Qazaxıstanda keçirilən digər beynəlxalq müsabiqədə iştirak etmiş və uğurlu istiraka görə məktəb rəhəbərliyinə təşəkkür məktubu ünvanlanmışdır.
Sonda xatirə şəkili çəkilib.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]