BolgeXeber.Com » Mədəniyyət » Əməkdar artist Yaqub Zurufçunun doğum günüdür

Əməkdar artist Yaqub Zurufçunun doğum günüdür

8-04-2024, 10:07

Oxunub: 864

Bu gün Əməkdar artist Yaqub Zurufçunun doğum günüdür. Onun anadan olmasından 68 il ötür.

Yaqub Zurufçu 1956-cı il in bu günü, yəni aprelin 8-də Təbriz şəhərinin Çərandab məhəlləsində doğulub.

7 yaşında Fərvərdin Mədrəsəsində təhsilə başlayan Yaqub, elə o illərdə Təbrizin uşaqlar proqramında iştirak edib. "Cücələrim" mahnısı ilə həm Azərbaycan, həm də İranda dillər əzbəri olub.

Zurufçu 11 yaşından xalq və bəstəkar mahnılarını məharətlə ifa edib. 15 yaşında Təbrizin Milli Televiziyasında ilk dəfə çıxış edərək "Evləri var xana-xana", "De gülüm gəlsin ay nənə", "Dilbər" mahnılarını ifa edib.

Səntəçi 19 yaşında Tehran Universitetinin İqtisad fakültəsində təhsilinə başlayıb. Eyni zamanda Tehran operasının xorunda musiqi fəaliyyətini davam etdirib.

1979-cu ildə İranda xalq inqilabından 1 il sonra-1980-ci ildə İranı tərk edib. Almaniyaya köçən müğənni öz musiqi təhsilinə Hamburq şəhərində başlayıb və vokal sənəti üzrə bakalavr diplomunu, daha sonra Amerikanın Florida ştatının Miami şəhərində isə Miami Universitetində vokal sənəti üzrə magistr diplomunu alıb.

Ürəyində Azərbaycan musiqisi sevdası olan Yaqub Zurufçu hər zaman milli musiqi ruhuyla yaşayıb və Azərbaycana gəlmək ən böyük arzularından biri olaraq qalıb. Nəhayət, 1989-cu illərin əvvəllərində Azərbaycanın məşhur müğənnilərindən biri, Xalq artisti Gülağa Məmmədov Almaniyada olanda Yaqub Zurufçunun “Ayrılıq” mahnısına çəkmiş olduğu sadə klipi görüb heyrətə gəlib. Azərbaycanın Cənubi və Şimali Azərbaycan adlı hissələrə ayrılmasına həsr edilən klipi Azərbaycana gətirib və televiziyada yayımlayıb.

Çox Oxunanlar