BolgeXeber.Com » İqtisadiyyat » Ətin qiyməti bahalaşa bilər

Ətin qiyməti bahalaşa bilər

25-09-2015, 11:24

Oxunub: 5 966 Ətin qiyməti bahalaşa bilər

Qurban bayramı ərəfəsində bazarda ətin qiymətinin ucuzlaşması müvəqqəti haldır. Yaxın günlərdə təklifin azalması, qiymətlərin isə artımı baş verəcək

Bunu modern.az-a açıqlamasında kənd təsərrüfatı üzrə ekspert Vahid Məhərrəmov bayram ərəfəsində bazarda ətin qiymətində ucuzluğun müşahidə edilməsinə münasibət bildirərkən deyib.

Ekspertin sözlərinə görə, ucuzluğa səbəb bayramda yaxşı gəlir əldə etmək üçün bəzi sahibkarlar qonşu ölkələdən çoxlu sayda diri heyvan idxal etməsidir: “Əhalinin alıcılıq qabiliyyətinin aşağı düşdüyünü nəzərə almayan tədarükçülər heyvanların satışı ilə bağlı ciddi problemlərlə qarşılaşıblar. İlk günlərdə təmiz ət çəkisinin bir kiloqramını 9-10 manata təklif edən sahibkarlar sonradan qiymətləri endirməli olublar”.

Ekspertin fikrincə, bazarda təklifin azalması və qiymətlərin artması ilə müşahidə olunacaq: “Bazarda tələbin azalması təbii olaraq istehsalın da azalmasına səbəb olacaq. Bu isə o deməkdir ki, gələcəkdə ət bazarında təklifin azalması, qiymətlərin isə artımı baş verəcək”.

Qeyd edək ki, bazarda dana və quzu ətinin qiyməti əhəmiyyətli dərəcədə ucuzlaşıb. 7.5 manat və 8 manata təklif edilən dana əti 7 manata, 9-10 manata satılan quzu əti isə 8 manat və 8.5 manata alıcılara təklif edilir.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]