Tikinti sektorunda ciddi çöküş
24-11-2015, 17:50
Oxunub: 4 288
Hazırda tikinti sektoru tənəzzül dövrünü yaşayır
Azərbaycanda tikinti sektorunda ölkənin on minlərlə vətəndaşı çalışır. Lakin əvvəlki illərlə müqayisədə hazırda tikinti sektoru tənəzzül dövrünü yaşayır. Bu isə tikinti sektoruna mənfi təsir göstərməklə yanaşı, həm də ölkədə işsizlik səviyyəsini də xeyli artırır
Bolgexeber.com xəbər verir ki, Dövlət Statistika Komitəsinin məlumatına görə, bu ilin on ayı ərzində ölkədə 366,9 milyon manatlıq tikinti materialı istehsal olunub. Konkret olaraq, 814,2 min ton hazır beton (mənfi 41,5 faiz), 19,5 min kubmetr beton konstruksiya (mənfi 34,8 faiz), 229,9 min kubmetr kərpic (mənfi 4 faiz) istehsal edilib. Həmçinin 2 milyon 275,5 min ton sement, 160,4 min ton gips, 359,9 min ton asfalt, 10 min 497,8 ton mərmər, travertin, alebastr istehsal olunub.
Göründüyü kimi, əksər tikinti materiallarının istehsalı əvvəlki illərlə müqayisədə xeyli azalıb. İqtisadçı-ekspert Nemət Əliyev azadliq.info-ya açıqlamasında bunu tikinti sektorunda görülən işlərin səviyyəsinin azalması ilə əlaqələndirir. Ekspertin sözlərinə görə, tikinti sektorunda iş azaldıqca tələbat da aşağı düşür və nəticədə materiallara əvvəlki qədər ehtiyac olmur. “Kərpic və tikinti qumu birbaşa tikinti prosesində işlənən materiallardır. Tikinti materiallarının istehsalının azalması barədə anonslar hələ öncədən verilmişdi. Statistika Komitəsinin 10 aylıq məlumatlarına diqqət yetirsək, tikinti sektoruna olan yatırımların da 42,2 faiz azaldığı görünər. Bir tərəfdən kapital yatırımları, digər tərəfdən də tikintidə lazım olan materialların istehsalı azalıb. Belə bir vəziyyət isə şübhəsiz ki, bu sahədə görülən işləri azaldıb. Işsizliyin olması tənəzzül və böhrandan xəbər verir. Hər halda, hökumət bu sahədə təcili şəkildə real addımlar atmalıdır”, – deyə ekspert qeyd edib.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər