BolgeXeber.Com » İqtisadiyyat » Kreditlər bağışlana bilərmi?

Kreditlər bağışlana bilərmi?

30-11-2015, 16:17

Oxunub: 6 382

Azərbaycanda 2,5 milyon kredit götürmüş vətəndaşımız var

Azərbaycandakı devalvasiyadan sonra vaxtı keçmiş kreditlərin məbləği sürətlə artsa da, bu, birbaşa bank sektorunun problemi deyil.

Bolgexeber.com fins.az-a istinadən bildirir ki, bunu ATV kanalının "İqtisadi zona" verilişində Azərbaycan Banklar Assosiasiyasının (ABA) sədri Zakir Nuriyev deyib.

Onun sözlərinə görə, problemli kreditlərin artması ölkə iqtisadiyyatında baş vermiş mənfi dəyişikliklərin bank sisteminə təsirinin nəticəsidir.

Zakir Nuriyev son günlər geniş müzakirə obyekti olan vaxtı keçmiş kreditlərin bir hissəsinin bağışlanması barədə də fikrini bildirib:

"Kredit borclarının bağışlanması kimi bir anlayış yoxdur. Kredit borcu yalnız o halda bağışlana bilər ki, borcalan həyatda olmasın və krediti zaminsiz götürmüş olsun. Digər bütün hallarda banklar borclunun borcu ödəməsinə nail olmalıdır.

Bu gün Azərbaycanda 2,5 milyon kredit götürmüş vətəndaşımız var. Eyni zamanda isə təxminən 7,5 milyon əmanət hesabı olan vətəndaşımız var. Kredit borcunun bağışlanması, ödənilməməsi, faizlərin dondurulması kimi məsələlər ortaya qoyulan zaman biz milyonlarla əmanət hesabını sual altında qoymuş oluruq. Ona görə bu məsələ ümumiyyətlə müzakirə edilməməlidir".

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]