BolgeXeber.Com » İqtisadiyyat » Neftin qiyməti 11 illik minimuma düşdü

Neftin qiyməti 11 illik minimuma düşdü

21-12-2015, 12:32

Oxunub: 1 994

Neft OPEK kvotaları artırmaq qərarını qəbul etdikdən sonra ucuzlaşır

Neftin dünya qiymətləri 2004-cü ildə qeydə alınmış minimum həddə çatdıqdan sonra da ucuzlaşmağa davam edir. Bu barədə ICE qitələrarası birjasının məlumatlarına istinadən Rambler News Service məlumat yayıb.

Brent markalı neftin fevral fyuçerslərinin qiyməti ICE Futures London birjasında 1,34 faiz ucuzlaşaraq, bir barel üçün 36,14 dollardan ibarət olub.

Fevral müqaviləsi üçün minimal qiymət 36,17 dollardan ibarət olub, bu göstərici 2004-cü ilin 13 iyul tarixində olan minimal qiymətləri yeniləyib. Nyu-York əmtəə birjasında (NYMEX) elektron satışlarda WTI neftinin qiyməti 0,58 faiz ucuzlaşaraq, bir barel üçün 34,53 dollardan ibarət olub.

Neft dekabrın 4-də OPEK istehsal kvotalarını bir gün ərzində 30 milyondan 31,5 milyon barelə qədər artırmaq barədə qərarı qəbul etdikdən sonra ucuzlaşır.

Təşkilata daxil olan ölkələr hətta daha çox neft istehsal edirlər - 31,7-dən 32,2 milyon barelə qədər.

Qeyd edək ki, dekabrın 14-də Brent markalı neftin qiyməti Londonun İCE birjasında 3 faizdən artıq ucuzlaşaraq bir barel üçün 36,8 dollardan ibarət olub. Beləliklə də, Şimali dəniz markası 2008-ci ildən bu tərəfə minimum həddə qədər ucuzlaşıb.

Çox Oxunanlar