BolgeXeber.Com » İqtisadiyyat » Varlılar və kasıblar: bütün dünya işləyir, 62 nəfər yeyir

Varlılar və kasıblar: bütün dünya işləyir, 62 nəfər yeyir

19-01-2016, 09:29

Oxunub: 5 453

Dünyada bərabərsizlik getdikcə dərinləşir

“Oxfam” humanitar təşkilatının açıqladığı yeni hesabata görə, planetimizin 1% ən varlı ailələrinin mülkiyyəti yerdə qalan 99%-in varidatına bərabərdir

Publika.az xarici mətbuata istinadən xəbər verir ki, “Oxfam International” bu barədə qənaətə “Credit Suisse” və “Forbes”in faktlarına əsasən gəlib.

Hesabatda bildirilir ki, dünyanın 62 ən varlı insanının varidatı planetin 3,5 milyard kasıb insanının sahib olduqlarının ümumi həcminə bərabərdir. Bir il əvvəl bu göstərici 80 nəfərə, 2010-cu ildə isə 388 nəfərə bərabər olub və bu da zəngin təbəqənin hansı sürətlə öz vəsaitlərini artırdığını göstərir.

Hesabata görə, dünyanın ən zəngin 62 adamı son 5 ildə öz varidatını 44 faiz artıra bilib: onların ümumi sərvətinin həcmi 1,76 trilyon dollara çatıb. Dünya əhalisi son beş ildə 400 milyon nəfər artsa da, yoxsul kəsimin vəsaitləri həmin dövrdə təxminən 41 faiz azalıb.
Bolgexeber.com

Çox Oxunanlar