BolgeXeber.Com » İqtisadiyyat » Tarif Şurasından dərman qiymətləri haqda - Açıqlama

Tarif Şurasından dərman qiymətləri haqda - Açıqlama

17-08-2016, 14:39

Oxunub: 5 154 Tarif Şurasından dərman qiymətləri haqda - Açıqlama

Tarif (qiymət) Şurası dərman vasitələrinin qiymətlərinin bahalaşması ilə bağlı yayılan xəbərlərə münasibət bildirib

Bolgexeber.com xəbər verir ki, açıqlamada bildirilir ki, dövlət qeydiyyatına alınmış 9850 dərman vasitəsinin qiyməti Tarif (qiymət) Şurası tərəfindən təsdiq edilib və onlardan 7347 dərman vasitəsi (75 faizi) hazırda təsdiq edilmiş qiymətlərlə satışdadır.

Digər 2503 dərman vasitəsinin (25 faizinin) təsdiq edilmiş qiymətləri isə cari il sentyabrın 1-dən qüvvəyə minəcək. Sentyabrın 1-dən etibarən qiymətləri təsdiq edilməyən dərman vasitələrinin satışı yalnız həmin dərmanların qiymətləri təsdiq olunduqdan sonra həyata keçirilməlidir.

Tarif (qiymət) Şurası tərəfindən qiymətləri təsdiq edilərək qüvvəyə minmiş dərman vasitələrinin qiymətlərində Şuranın qərarı olmadan hər hansı bir dəyişiklik, o cümlədən dərman vasitələrinin qiymətlərinin bahalaşması mümkün deyil.

Qiymətləri Tarif (qiymət) Şurası tərəfindən tənzimlənmiş 9850 dərman vasitəsinin qiymətləri Şuranın rəsmi internet saytında yerləşdirilib.

http://tariff.gov.az/documents/DVA.pdf

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]