British Airways Tehrana uçur, AZAL-ın bazarı daralır
2-09-2016, 09:50
Oxunub: 5 939
Britaniyanın British Airways hava şirkəti London-Bakı reysi üzrə uçuşlarını dayandıranda, bu, ilk növbədə azərbaycanlı sərnişinlər üçün pis xəbər olmuşduBritaniya şirkəti Bakıya uçuşlarını dayandırdıqdan dərhal sonra Azərbaycan Hava Yolları konserni - AZAL təyyarə biletlərinin qiymətlərini təxminən 400 funt sterlinqdən 500-ə qaldırmışdı.
İndi çox ehtimal, British Airways şirkətinin 7 illik fasiələdən sonra Tehranın Ayətullah Xomeyni hava limanına uçuşları bərpa etməsi AZAL üçün yaxşı xəbər olmayacaq.
Bundan əvvəl AZAL London-Bakı reyslərinə uçuşun davamı kimi Tehrana da bilet satırdı.
Qiymətlər iranlılar üçün əlverişli idi, beləki AZAL təyyarəsi ilə Tehrana uçuşun qiyməti Bakıya uçuşun qiyməti ilə eyni, bəzi hallarda isə daha ucuz idi.
Hazırda AZAL təyyarəsi ilə Londondan Tehrana uçuş 340 funt sterlinq civarındadır. Azərbaycan Respublikası vətəndaşları və Bakının qonaqları üçün isə daha yaxın məsafəyə - yəni Azərbaycan paytaxtına uçuş 500 funt sterlinqə başa gəlir.
İnternet resurslarındakı məlumatlara görə, British Airways Tehrana həftənin 6 günü uçuşlar edəcək və biletlərin təxmini qiyməti 380 funt sterlinq olacaq. AZAL-ın biletlərindən azacıq baha olsa da, iranlılar üçün daha sərfəlidir, çünki British Airways Tehrana birbaşa uçur.
AZAL-ın ənənəvi bilet qiyməti siyasətinə baxılsa, ehtimal etmək olar ki, indi Azərbaycan şirkəti üçün iki yol qalır: ya iranlılar üçün biletləri bir az da ucuz etmək, ya da bazarı itirmək.
Bunun bilet qiymətlərini azərbaycanlı sərnişinlər və Bakıya gedib-gələn əcnəbilər üçün necə təsirləndirəcəyini irəlicədən söyləmək çətindir.
British Airways Bakıya uçuşlarını ötən may ayında dayandırmışdı. Şirkət bunu reyslərin kommersiya baxımından sərfəli olmaması ilə izah etmişdi.
İndi isə əvəzində British Airways Tehrana müntəzəm uçuşlar edəcək. Bu İran üzərindən beynəlxalq sanksiyaların qaldırılması nəticəsində mümkün olub.
Beləliklə 7 illik fasilədən sonra British Airways şirkətinin Tehrana ilk dəfə uçan Boeing 777 təyyarəsi sentyabrın 1-də axşam Londonun Hitrou aeroportundan havaya qalxıb.
Bundan əvvəl Tehrana başqa bir Britaniya şirkəti BMI-ın uçuşları 2012-ci ildə dayandırılmışdı.
Ümumiyyətlə isə, British Airways Tehrana 1946-cı ildən müntəzəm uçuşlar edirdi. Bu xidmət 2007-ci ildə dayandırılmışdı. Bundan sonra uçuşları BMI yerinə yetirirdi.
Ötən ilin avqustundan Tehranda Britaniya səfirliyi işini bərpa edib.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
