BolgeXeber.Com » İqtisadiyyat » Daxili səsi yazıya çevirən qurğu icad edildi

Daxili səsi yazıya çevirən qurğu icad edildi

7-04-2018, 10:50

Oxunub: 3 002 Daxili səsi yazıya çevirən qurğu icad edildi

ABŞ-da elm adamları daxili səsi yazıya çevirən bir qurğu ixtira etdiriblər.

Moderator.az xəbər verir ki, Massaçusets Texnologiya İnstitutunun (MIT) internet səhifəsindəki açıqlamaya görə, “Alterego” adı verilən qurğuda yanağa və çənəyə toxunan elektrodlar var.

Düşüncənin zehində əmələ gətirdiyi səs kimi tanınan daxili səs boğazda insan gözü ilə müəyyən olunmayan əzələ hərəkətlərinə və titrəyişə səbəb olur. Bu elektrodlar daxili səsin təkan verdiyi neyroəzələlərin siqnallarını bir süni zəka sisteminə ötürür. Bu sistem də siqnalları sözlərlə əlaqələndirərək yazıya çevirir.

Araşdırma çərçivəsində 10 nəfərdə sınanan Alteregonun doğruluq nisbəti ortalama 92 faizdir. Tədqiqatçılar bu nisbətin zamanla artacağını bildiriblər.

Qeyd edək ki, tədqiqatla bağlı məqalə Tokioda keçiriləcək bir texnologiya konfransında təqdim olunacaq.

Çox Oxunanlar