BolgeXeber.Com » İqtisadiyyat » Oktyabrın ilk hərracına çıxarılacaq dövlət əmlakları açıqlanıb

Oktyabrın ilk hərracına çıxarılacaq dövlət əmlakları açıqlanıb

2-09-2019, 15:02

Oxunub: 4 037

Əmlak Məsələləri Dövlət Komitəsinin özəlləşdirmə hərraclarına qoşulmaq ilə bağlı tətbiq etdiyi elektron xidmətlər vətəndaşların o cümlədən, digər proses iştirakçılarının vaxtına qənaəti təmin edir, şəffaflıq və məmnuniyyəti artırır

Dövlət əmlaklarına sifariş vermək, eləcə də hərraclarda iştirak üçün əlavə ünvanlara müraciət kimi prosedurları artıq elektron hərracın müasir üstünlükləri əvəz edir. Belə ki, iştirakçı statusu almaq istəyən hər kəs komitənin onlayn resursları vasitəsilə seçim edir, sifariş verir, eyni zamanda hərraca onlayn formada qoşula bilir. Bu fürsətlər hərraca marağı olan digər şəxslərin də prosesdə heç bir qeydiyyat olmadan iştirakını təmin edir.

Dövlət əmlaklarının özəlləşdirilməsinə qoşulmaq istəyən şəxslər üçün növbəti iştirak imkanı 01 oktyabr tarixində keçiriləcək hərracda yaradılıb. Əmlak Məsələləri Dövlət Komitəsi tərəfindən oktyabrın ilk hərracına ümumilikdə 27 dövlət əmlakı çıxarılıb. Onlardan 22-si səhmdar cəmiyyəti, 5-i nəqliyyat vasitəsi və müxtəlif çeşidli avadanlıqlardır.

Səhmdar cəmiyyətləri nəqliyyat, sənaye, tikinti, xidmət və digər sahələrə aiddir. İri müəssisələrdən biri Bakı şəhəri, Səbail rayonu, E.Əzizov küçəsindəki “Şəmkir” Açıq Səhmdar Cəmiyyətidir. Ümumi nizamnamə kapitalının 30%-lik həcmində səhm paketi özəlləşdiriləcək dövlət əmlakının ərazisində inzibati bina, müxtəlif təyinatlı anbarlar, qazanxana və digər binalar var.

Özəlləşdirməyə çıxarılmış bütün dövlət əmlakları haqqında ətraflı məlumat əldə etmək və hərraclara qoşulmaq istəyən şəxslər komitənin rəsmi saytına (emdk.gov.az) və Özəlləşdirmə portalına (privatization.az) daxil ola bilər.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]