Bizimlə əlaqə | Reklam
BolgeXeber.Com » İqtisadiyyat » ƏMDK-in rəhbərliyi sentyabr ayında Bərdə və Ağdam rayonlarında vətəndaşları qəbul edəcəklər

ƏMDK-in rəhbərliyi sentyabr ayında Bərdə və Ağdam rayonlarında vətəndaşları qəbul edəcəklər

25-09-2019, 17:20
Oxunub: 4 595 ƏMDK-in rəhbərliyi sentyabr ayında Bərdə və Ağdam rayonlarında vətəndaşları qəbul edəcəklərAzərbaycan Respublikasının Prezidenti İlham Əliyevin tapşırığına əsasən vətəndaşların təklif, irad və müraciətləri ilə yerindəcə tanış olmaq üçün mərkəzi icra hakimiyyəti orqanları rəhbərlərinin və onların müavinlərinin bölgələrdə vətəndaşların qəbulu cədvəlinə uyğun olaraq, Əmlak Məsələləri Dövlət Komitəsinin rəhbərliyi 27 sentyabr tarixində vətəndaş qəbulu keçirəcəkdir.

Əmlak Məsələləri Dövlət Komitəsinin sədri Kərəm Həsənov 27 sentyabr 2019-cu il tarixində Bərdə rayonunda həmin rayonun sakinlərini fərdi qaydada qəbul edəcək. Komitə sədri tərəfindən qəbul saat 10:00-da Bərdə şəhərində yerləşən Yeni Azərbaycan Partiyasının inzibati binasında keçiriləcək. Həmin gün Komitənin sədr müavini Rafiq Cəlilov Ağdam rayonunda vətəndaşlarla görüşəcək. Komitə sədrinin müavini tərəfindən keçiriləcək qəbul saat 10:00-da Ağdam rayonunda yerləşən Heydər Əliyev Mərkəzində keçiriləcəkdir.

Qəbul zamanı komitənin aidiyyəti struktur bölmələrinin rəhbərlərinin iştirakı ilə fəaliyyət istiqaməti üzrə, o cümlədən daşınmaz əmlakın qeydiyyatı, torpaqların kadastrı, dövlət əmlakının özəlləşdirilməsi, hərraclarda iştirak, dövlət əmlakının icarəyə götürülməsi, torpaqların texniki parametrlərinin və koordinatlarının müəyyənləşdirilməsi, ünvan məsələləri və bu sahədə bölgələrdə əhalini maraqlandıran digər məsələlərlə bağlı vətəndaşların müraciətlərinə baxılacaqdır.

Qəbulda yuxarıda qeyd olunmuş rayonlardan olan vətəndaşlar iştirak edə bilər və yalnız komitənin fəaliyyət sahələrinə aid olan müraciətlərə baxılacaqdır.

Qəbula yazılmaq istəyən vətəndaşlar online olaraq komitənin [email protected] elektron ünvanına yaza və ya aşağıdakı nömrələrlə əlaqə saxlaya bilərlər:

Komitənin Aparatı: (012) 490 24 08 (daxili 200 və 105)

Əlaqədar şəxs: Samir Salıfov 050 800-50-65

Əmlak Məsələləri Dövlət Komitəsinin Bərdə ərazi şöbəsi:

(02020) 5-27-77, (02020) 5-28-09

Daşınmaz Əmlakın Dövlət Reyestri Xidmətinin 7 saylı Bərdə Ərazi İdarəsi:

(02020) 5-56-05, (02632) 5-07-65
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]