BolgeXeber.Com » İqtisadiyyat » Ağcəbədi şəhərində yenilənmiş “Nar” mağazası fəaliyyətə başladı

Ağcəbədi şəhərində yenilənmiş “Nar” mağazası fəaliyyətə başladı

17-06-2022, 15:30

Oxunub: 4 992

Azərbaycanın bölgələrinə xüsusi diqqətilə seçilən “Nar”ın növbəti mağazası Ağcəbədi şəhərində xidmətə başladı.
Yeni konsepsiyalı mağazada müştərilər “Nar” xidmətlərinə daha rahat qoşula və müxtəlif abunə əməliyyatlarını həyata keçirə bilir.
Müştəri yönümlü biznes siyasətindən çıxış edərək, “Nar” bütün ölkə boyunca mağazalarını yeniləyir və yeni mağazalar istifadəyə verir. Bu mağazalarda yalnız abunə xidmətləri göstərilmir, eləcə də telefon və aksesuar satışı həyata keçirilir. Vahid konsepsiya ilə yenilənən “Nar” mağazaları harada olmasından asılı olmayaraq hər ziyarətçiyə eyni proseduru və sorğu cavablandırmasını təqdim edir.

Qeyd edək ki, ötən ildən başlayan mağazaların yenilənmə prosesi 2022-ci ildə də davam edəcək. Yenilənəcək mağazaların mütləq əksəriyyəti bölgələri əhatə edir.
“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. Şirkət son 3 ildə Müştəri Loyallığı İndeksinə görə ölkədə lider mobil operatordur.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]