BolgeXeber.Com » Müsahibə-Reportaj » Ziya Məmmədov: "İdmançıya kimlərsə Aynarın adını yazmağı məcbur edib"

Ziya Məmmədov: "İdmançıya kimlərsə Aynarın adını yazmağı məcbur edib"

27-05-2014, 12:15

Oxunub: 3 633

Son günlər mətbuatın və ictimaiyyətin diqqət mərkəzində olan nəqliyyat naziri Ziya Məmmədov “Unikal” qəzetinə eksklüziv müsahibə verib.

Nazir qardaşı Elton Məmmədov və onun oğlu Aynar Məmmədov barədə yazılanlara, “Yeni Müsavat” qəzetinin müxbiri Fərahim İlqaroğlunun döyülməsi ilə bağlı maraqlı məqamlara toxunub.

Bolgexeber.com saytı nazirlə söhbəti olduğu kimi tədim edir:

- Ziya müəllim, sizin və qardaşınız oğlu Aynar Məmmədovla bağlı gedən informasiyalar barədə yəqin ki, məlumatlısınız.

- Bəli. Xəbərim var.

- Maraqlıdır, Aynar Məmmədov jurnalisti nə üçün döydürtdüyü Sizə məlumdurmu? Ola bilərmi ki, Aynar Məmmədov barənizdə yazılanlara görə jurnalisti döydürsün?

- Belə bir şey yoxdur. Ümumiyyətlə, nə Ziya Məmmədov, nə də Ziya Məmmədovun ətrafındakı adamlar jurnalist döydürməz. Bunların heç bir əsası yoxdur.

- Axı “Yeni Müsavat” qəzetinin əməkdaşını döydürən Tural Bayramov Aynar Məmmədovun dostudur?

- Aynarın o məsələlərə heç bir aidiyyəti yoxdur.

- Bəs Aynar Məmmədov niyə istintaqa çağırılıb?

- Xeyr. O, istintaqa çağırılmayıb.

- Mətbuatda da məlumat verildi ki, DİN-ə çağırılıb və ifadə verib…

- Hər bir kəs istintaqa ifadə verə bilər.

- Onda belə çıxır ki, Tural Bayramov Aynar Məmmədovun sifarişi ilə jurnalisti döydürdüb ki, buna görə istintaqa çağırılıb?

- Xeyr. Aynar jurnalisti döydürməklə bağlı heç kimə göstəriş verməyib. Amma idmançıya kimlərsə Aynarın adını yazmağı məcbur edib. Görünür, təzyiq altında o da Aynarın adını verib. Mən bu məsələ gündəmə gələndə Elton Məmmədovla əlaqə saxladım. Onunla söhbət zamanı bildirdi ki, Aynarın bu məsələdə heç bir təqsiri yoxdur. Yayılan foto və videogörüntülərin də bir çoxu kollajdır. Yəqin ki, bizi istəməyən qüvvələr aranı qarışdırırlar. Ümumiyyətlə, mən bu məsələlərə qarışmıram. Bir daha deyirəm ki, mən dövlətə və dövlətçiliyə, eyni zamanda cənab prezidentə xidmət edirəm.

- Əgər dövlətə, dövlətçilyə, və prezidentə sadiqsinizsə, sizə qarşı niyə kampaniya aparırlar?

- Bilmirəm. Amma yenə də deyirəm, bütün bunların mənə aidiyyəti yoxdur. Yazılanların da əksəriyyəti doğru deyil.

Çox Oxunanlar