Bizimlə əlaqə | Reklam
BolgeXeber.Com » Müsahibə-Reportaj » Misir Mərdanov yenə tənqid atəşinə tututldu

Misir Mərdanov yenə tənqid atəşinə tututldu

28-12-2011, 12:25
Oxunub: 6 370
“Mərkəzləşmiş imtahanlarla bağlı təkliflərimizi Təhsil Nazirliyinə göndərsək də, nəticələrdə irəliləyiş görmürük”

“Bu il orta məktəbləri 100 min məzun bitirib. Onların 20 faizi attestat ala bilməyib, 19,63 faizi attestat alıb, imtahanlarda iştirak üçün sənəd versə də, iştirak etməyib. Məzunların 32 faizi qəbul olmayıb, qalanları isə müxtəlif ballarla ali təhsil müəssisələrinə və orta ixtisas məktəblərinə qəbul olublar. Belə çıxır ki, 70 faizdən çox məzun əmək bazarına məktəbdə olan biliklərlə daxil olurlar”.
APA-nın məlumatına görə, bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə deyib. Onun sözlərinə görə, gələcəkdə həmin şəxslər əmək bazarındakı rəqabətə davam gətirə bilməyəcəklər: “Mərkəzləşmiş imtahanlar keçirilirsə, belə nəticələr olmamalıdır. Nə üçün 3 ildir qəbul imtahanlarından əvvəl keçirilən mərkəzləşmiş imtahanların nəticələrinə əsasən, 0-100 bal toplayan uşaqlara attestat verib, TQDK-ya göndərir?”.

M. Abbaszadənin sözlərinə görə, attestat ala bilməyən 20 min gəncin taleyi də narahatlıq doğurur: “Orta məktəblərə keçirilən buraxılış imtahanlarının nəticələri də bu uşaqların taleyinə təsir edib. 2009-cu ildən başlayaraq biz mərkəzləşmiş imtahanlarla bağlı təkliflərimizi Təhsil Nazirliyinə göndərmişik, lakin bu 3 il ərzində bu imtahanların nəticələrində irəliləyiş görmədik. Bu problemlər birgə müzakirə olunmalıdır. 2002-ci ildən biz attestat qiymətləri ilə qəbul imtahanlarının nəticələrini müqayisə edib Təhsil Nazirliyinə məlumat vermişik. 2003-cü ildən isə bununla bağlı ictimaiyyəti məlumatlandırmağa başlamışıq. O zaman əlaçıların sayı 4500-dən çox idi. İndi əlaçıların sayı xeyli azalsa da, 0-100 bal nəticə göstərən əlaçılar hələ də var”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]