Bizimlə əlaqə | Reklam
BolgeXeber.Com » Müsahibə-Reportaj » İstintaq ilk üzləşdirmələrə başladı

İstintaq ilk üzləşdirmələrə başladı

11-01-2012, 17:45
Oxunub: 6 850 Vasif Turan və qaynanası Gülxanım Umudova Rəsul adlı şəxslə üzləşdirilib

Oktyabrın 7-də Qobu qəsəbəsindəki evinin yanması nəticəsində iki övladını itirən Bolgexeber.com saytının rəhbəri Vasif Turan bu gün istintaqa dəvət olunub. Bu barədə Bolgexeber.com-a məlumat verən Vasif Turan deyib ki, Fövqəladə Hallar Nazirliyi Baş İstintaq-Əməliyyat İdarəsinə çağırılmasına səbəb üzləşdirmə ilə bağlı olub.

Baş redaktor deyib ki, baş müstəntiq Qəhrəman Məmmədovun dəvəti ilə nazirliyə gedib və orada istintaqda adları keçən şəxslərdən biri ilə üzləşdirilib. «Qobudakı evimizə gələrək, uşaqlarımı, ailəmi təhdid edənlərdən biri Kərpic Zavodunun direktoru Rəsul adlı şəxs olub. İstintaqda da onunla üzləşdirmə aparılıb. Hansı ifadəni vermişdimsə, onun da üzərində dayandım. Qarşı tərəf də həqiqətən də yazdıqlarımın bir qismini təsdiqləyib. Lakin o, evimin yandırılmasında heç bir rolunun olmadığını deyib».

V.Turan daha sonra bildirib ki, üzləşdirməyə həmçinin qayınanası Gülxanım Umudovanı da dəvət ediblər. Belə ki, Rəsul adlı şəxs ilk dəfə G.Umudovanın evinə gəlib və orada evləri tərk etməyi tələb edib. «Qayınanam da təsdiqlədi ki, həqiqətən Rəsul onların evinə gələrək, mənzillərini tərk etməyini tələb edib. Əks təqdirdə, bu evləri başlarına yıxacağı ilə təhdid edib».

Vasif Turan sonda onu da qeyd edib ki, istintaq işini davam etdirir. Lakin onu narahat edən bir məqam var ki, o da ekspertizanın rəyinin açıqlanmamasıdır. «Hadisənin üzərindən artıq 4 aya yaxın vaxt keçib. Amma hələ də yanğının baş vermə səbəbləri ilə bağlı ekspertiza rəyi açıqlanmayıb. İşin bu qədər uzanmasından narahatam».
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]