BolgeXeber.Com » Müsahibə-Reportaj » Müəllim və həkimlərin maaşı artırılsın – Təklif

Müəllim və həkimlərin maaşı artırılsın – Təklif

23-04-2012, 18:30

Oxunub: 4 305

İlyas İsmayılov: "Məvacibin azlığı təhsilin və səhiyyənin fəaliyyətində axsamalara səbəb olur"

"Müəllim və həkimlərin məvaciblərinin artırılmasına daha çox diqqət ayrılmalıdır". Publika.Az-a açıqlamasında belə bir təşəbbüslə Milli Məclisin deputatı, Ədalət Partiyasının sədri İlyas İsmayılov çıxış edib.

Parlamentin Elm və təhsil komitəsinin sədr müavini Bəxtiyar Əliyev müəllim və həkimlərə yeni statusun verilməsinin vacibliyini bildirib. Deputat hesab edir ki, belə bir addım bu sahədə olan neqativ halları aradan qaldırar.

Millət vəkili İlyas İsmayılov müəllim və həkimlərin sosial durumunu yaxşılaşdırmağa yönəlik bütün addımları dəstəklədiyini bildirdi: "Müəllim və həkimlər ən az məvacib alan kateqoriyaya aiddirlər. Maddi çətinlik çəkən müəllim və ya həkim məcbur qalıb, digər yollarla pul qazanmağa çalışır. Nəticədə də təhsilin və səhiyyənin fəaliyyətində axsamalar yaranır. Buna görə də, bu qrupa aid sosial qrupun məvaciblərinin əhəmiyyətli dərəcədə artırılmasına ciddi ehtiyac var. Düzdür, son illər Azərbaycanda məvaciblərin artırılması istiqamətində müxtəlif sərəncamlar imzalanıb, lakin pedaqoji və tibb sahəsində çalışanların əmək haqları dəfələrlə artırılmalıdır".

Çox Oxunanlar