Bizimlə əlaqə | Reklam
BolgeXeber.Com » Müsahibə-Reportaj » "Yol verdikləri nöqsanlara görə 697 yol polisi cəzalandırılıb"

"Yol verdikləri nöqsanlara görə 697 yol polisi cəzalandırılıb"

5-05-2012, 13:05
Oxunub: 6 734 Ramiz Zeynalov: 2011-ci ildə yol verdikləri nöqsanlara görə 39 nəfər daxili işlər orqanlarında xidmətdən xaric edilib.

Bolgexeber.com-un məlumatına görə, bunu Daxili İşlər Nazirliyi Baş Dövlət Yol Polisi İdarəsinin rəisi, general-mayor Ramiz Zeynalov “Respublika” qəzetinə müsahibəsində bildirib. Onun sözlərinə görə, ötən il, ümumiyyətlə, yol verdikləri nöqsanlara görə 697 əməkdaş cəzalandırılıb, 39 nəfər daxili işlər orqanlarında xidmətdən xaric edilib, 20 əməkdaş isə tutduğu vəzifədən azad olunub.

“Bu nəyi göstərir: hələ də aramızda vəzifə andını pozan, xidməti fəaliyyəti ilə bir araya sığmayan əməllər törədən əməkdaşlar var. Ən əsası isə onlara qarşı prinsipial mübarizə mövcuddur və belə neqativ hallar hökmən aşkarlanır”, - o deyib.

Ramiz Zeynalov həmçinin qeyd edib ki, bu məsələyə birtərəfli yanaşmaq düzgün deyil.

“Hərəkət iştirakçıları arasında elələrinə rast gəlinir ki, onlar yol hərəkəti qaydalarını pozduqdan sonra barələrində inzibati tənbeh tədbirinin görülməməsi naminə bütün vasitələrdən istifadə edir, YPX əməkdaşlarına pul, hədiyyə və sair təklif edərək onları qanunazidd hərəkətlərə sövq edirlər”, - o qeyd edib.

Ramiz Zeynalov belə halların yolverilməz olduğunu deyərək bildirib ki, bu vasitələrlə barələrində inzibati tədbirin görülməməsinə çalışan şəxslər belə hərəkətlərdən çəkinməlidirlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]