Bizimlə əlaqə | Reklam
BolgeXeber.Com » Müsahibə-Reportaj » “Həyat yoldaşımı sərxoş DYP əməkdaşları döyüb”

“Həyat yoldaşımı sərxoş DYP əməkdaşları döyüb”

17-05-2012, 13:50
Oxunub: 6 411 Günel Qocayeva: Sərxoş DYP işçiləri cəzalandırılmalıdır

Bir neçə gün bundan əvvəl Ağstafada DYP əməkdaşları ilə hərbçi arasında insident yaşanıb. Bu barədə Bolgexeber.com-a insident zamanı döyülmüş hərbçinin həyat yoldaşı Günel Qocayeva məlumat verib.

O bildirib ki, həyat yoldaşı (adının çəkilməsini istəmir-red.) şəxsi avtomobili ilə hərəkət edən zaman dövlət nömrə nişanı 35 BQ 641 olan taksi maşınını ötmə əməliyyatı edib. Həmin taksidə olan üç DYP əməkdaşı isə onu saxlatdırıb.

G.Qocayeva deyir ki, həyat yoldaşının idarə etdiyi «Mersedes-Benz» markanı maşını saxlatdıran DYP əməkdaşları sərxoş vəziyyətdə olublar və ondan niyə ötmə əməliyyatı etdiyini soruşublar. «Yoldaşım da cavabında deyib ki, o qeyri-qanuni heç nə etməyib və yolun müvafiq və icazə verilən hissəsində bu addımı atıb. Lakin DYP əməkdaşları onun bu sözündən xoşlanmayıb, «Sən kimsən ki, polis əməkdaşlarının maşınını ötürsən» deyərək, onun qollarını buraraq, döyüblər».

Zərər çəkmiş hərbçinin həyat yoldaşı buə məli törədən DYP əməkdaşlarından ikisinin kimliyini müəyyənləşdirə bildiklərini vurğulayıb. O bildirib ki, DYP əməkdaşlarından biri post rəisi, döş nişan nömrəsi 1006 olan Malik Qəhrəmanov olub. İkinci sərxoş DYP əməkdaşı, döş nişan nömrəsi 1016 olan çavuş Rauf Ramazanov imiş. Üçüncüsünün döş nişan nömrəsi 1096 olsa da, onun kimliyini müəyyənləşdirə bilməyiblər. «Bu məsələ ilə bağlı Baş Dövlət Yol Polisi İdarəsi ilə əlaqə saxlayıb, vəziyyəti onlara bildirdik. Amma bizə heç bir cavab verilmədi».

Məsələ ilə bağlı BDYPİ-nin də mövqeyini dərc etməyə hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]