BolgeXeber.Com » Müsahibə-Reportaj » Nazir müavini QHT rəhbərlərini hədələyib

Nazir müavini QHT rəhbərlərini hədələyib

29-06-2012, 16:40

Oxunub: 4 484

Gənclər və İdman nazirinin müavini İntiqam Babayev QHT-ləri Şahin Seyidzadəyə səs verməyə məcbur edir

Xəbər verildiyi kimi, sabah Azərbaycan Respublikası Gənclər Təşkilatları Milli Şurasının sədrliyinə yeni seçkilər keçiriləcək. Pat.az-a daxil olan məlumata görə artıq iki gündür ki, Gənclər və İdman nazirinin müavini, nazirlikdə xüsusi nüfuz sahibi olan İntiqam Babayev bütün gənclər təşkilatlarının rəhbərləri ilə görüşərək, onlardan Milli Şuranın sədrliyinə namizəd, “Vətəndaş Cəmiyyətində debat” İctimai Birliyinin icraçı direktoru Şahin Seyidzadə səs vermələrini tələb edir.

Hətta bu məqsədlə, Gənclər və İdman nazirliyinin gənclər təşkilatları arasında bu günlərdə elan etməli olduğu qrant müsabiqəsi Milli Şuraya seçkilərdən sonraya saxlanılıb. İ.Babayev Şahin Seyidzadəyə səs verməyəcək QHT-ləri qrant layihələrindən kənarda saxlayacağı ilə hədələyib.

Qeyd edək ki, Milli Şuranın sədrliyinə namizədlər AGAT sədri Gülsel Səfərova, ARGTMŞ baş katibinin müavini Mirhəsən Seyidov və “Vətəndaş Cəmiyyətində Debat” İctimai Birliyinin icraçı direktoru Şahin Seyidzadədir.

Çox Oxunanlar