Bizimlə əlaqə | Reklam
BolgeXeber.Com » Müsahibə-Reportaj » Mehdi Şamillinin vəsatəti təmin edilməyib

Mehdi Şamillinin vəsatəti təmin edilməyib

18-10-2012, 13:50
Oxunub: 5 658 Dini fəal Mehdi Şamilli barəsində seçilmiş həbs qətimkan tədbirinin müddətinin uzadılmasından verilən şikayət təmin olunmayıb.

Şikayətə oktyabrın 18-də Bakı Apellyasiya Məhkəməsində baxılıb. Apellyasiya istansiyası Sabunçu Rayon Məhkəməsinin həbs qətimkan tədbirinin müddətinin uzadılması haqda qərarını qüvvədə saxlayıb.

Mehdi Şamillinin vəkili Cavad Cavadlı “Media forum” saytına bildirib ki, növbəti müdafiə addımı Avropa İnsan Hüquqları Məhkəməsinə müraciət etmək olacaq: “Lazımi sənədləri toplayıb Avropa Məhkəməsinə yollayacağıq”.
Mehdi Şamilli avqustun 6-də Bakının Zabrat qəsəbəsindəki evində tutulub və onun barəsində həbs qətimkan tədbiri seçilib. Oktyabrın 6-da Sabunçu Rayon Məhkəməsi Mehdi Şamillinin həbsini 2 ay müddətinə uzadıb.
Mehdi Şamilli Cinayət Məcəlləsinin 234-cü (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddəsi ilə ittiham olunur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]