Bizimlə əlaqə | Reklam
BolgeXeber.Com » Müsahibə-Reportaj » Hüseynbala Mirələmov:“Oğlum səhvlərinə görə cəzalandırılıb”

Hüseynbala Mirələmov:“Oğlum səhvlərinə görə cəzalandırılıb”

29-10-2012, 12:55
Oxunub: 5 847 “Hansı vəzifəm var ki, vursunlar da?”

Mən ölkənin daxili işlər naziri Ramil Usubovu çox ədalətli və obyektiv bir nazir kimi tanıyıram. Necə olurdu ki, o mənim oğlumu 20 yaşında hələ gənc ikən rəis təyin edəndə yaxşı olurdu, indi isə işdən çıxaranda pis? Mənim bu işə qarışmağım müdaxilə hesab oluna bilər, lakin məsələdə adım çəkildiyi üçün açıqlama vermək məcburiyyətindəyəm”.

Bu sözləri “Qafqazinfo”ya açıqlamasında Milli Məclisin deputatı Hüseynbala Mirələmov oğlu Fərid Mirələmovun bu gün Ramil Usubovun əmri ilə işdən çıxarılmasına münasibət bildirərkən deyib.

Millət vəkili bildirib ki, oğlunun işdən çıxarılmasını onun adı ilə bağlamaq, vurulması kimi qələmə vermək gülüncdür: “Məni xalq seçib, millət vəkiliyəm. Hansı vəzifəm var ki, vursunlar da? Sadacə olaraq Xəzər Rayon Polis İdarəsində yoxlama keçirilib. Öz işində nöqsana yol verənlər cəzalandırılıb. Onlardan biri də mənim oğlumdur. Məsələni başqqa cür yozmaq istəyənləri başa düşə bilmirəm. Adam işində qüsurlara yol verib cəzalandırılıb”.

Qeyd edək ki, Hüseynbala Mirələmovun oğlu Fərid Mirələmov Xəzər Rayon Polis İdarəsinin 3-cü Polis Bölməsinin rəisi, polis-polkovnik leytenantı olub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]