Bizimlə əlaqə | Reklam
BolgeXeber.Com » Müsahibə-Reportaj » Keçmiş baş hərbi komissar sükutu pozacaq

Keçmiş baş hərbi komissar sükutu pozacaq

6-12-2012, 11:15
Oxunub: 6 179 Amma indi yox, seçkilər ərəfəsində

Son dövrlər mətbuatda Milli Məclis üzvlərinin fəaliyyəti ilə bağlı ictimai monitorinqlər təşkil edilir, onların fəaliyyəti gündəmə gətirilir. Modern.az portalı parlament jurnalistlərindən parlamentin 59 saylı Salyan seçki dairəsini təmsil üzvü Əlağa Hüseynovun fəaliyyəti ilə bağlı münasibət öyrənib. Sorğuya qatılan jurnalistlər Əlağa Hüseynovun fəaliyyətinə mənfi qiymət verərək, onu passivlikdə və mətbuatdan qaçaq düşməkdə ittiham ediblər. “Üç Nöqtə” qəzetini parlamentdə təmsil edən jurnalist Elməddin Muradlının onun haqqında fikirləri isə daha sərt olub: “Əliağa Hüseynov nə vaxtdan deputat olub? Mənə elə gəlir ki, o nə deputat kimi, nə də hərbçi kimi özünü doğrulda bilib. Onun deputatlıq fəaliyyəti ilə bağlı heç bir fikrim yoxdur. Çünki bu fəaliyyəti indiyə kimi parlamentdə görməmişəm. Telefonla oynamaq nə vaxtdan deputatlıq sayılır ki? Əliağa Hüseynov bəlkə də yaxşı ağsaqqaldır, yaxşı insandır. Amma deputat kimi jurnalistlərə qarşı həmişə aqressiv olub, bizə yuxarıdan aşağı baxıb, saymazlıq edib”.
Editor.az məsələyə Milli Məclisin deputatı Əlağa Hüseynovun özündən münasibət öyrənib.
Millət vəkili Editor.az-a açıqlamasında “Passiv deputat” elan olunmasından xəbərdar olduğunu desə də, bu barədə qısa danışmağa üstünlük verib: ““Milli Məclisin ən passiv deputatı” elan olunmağımdan xəbərim var. Amma buna hər hansı şərh vermək niyyətində deyiləm. Bu onların öz fikridir. Mən isə kiminsə sözü ilə hərəkət etmirəm. İnşallah, seçki zamanı öz sözümü deyəcəyəm”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]