BolgeXeber.Com » Müsahibə-Reportaj » “Bu şeylərə görə içimdə böyük peşmançılıq var”- Əlli yaşlı Şahbaz Xuduoğlu...

“Bu şeylərə görə içimdə böyük peşmançılıq var”- Əlli yaşlı Şahbaz Xuduoğlu...

25-06-2018, 17:16

Oxunub: 5 708

Dünən “Qanun” nəşriyyatının direktoru, naşir Şahbaz Xuduoğlunun əlli yaşı tamam oldu.

Doğum günün münasibəti ilə Moderator.az -a açıqlamasında Şahbaz Xuduoğlu bildirdi ki, əlli yaş çox ciddi və həyəcanlı yaşdır:

“Əlli yaşı yaşayanlar bilir, yaşamayanlara da demək istəyirəm ki, bu çox ciddi və həyəcanlı yaşdır. Bu yeganə yaşdır ki, adam yaşadığı həyatını bir kino lenti kimi gözünün qabağından keçirmək istəyir. Burda ümidsizlik yoxdu, əslində adamda daha çox iş görmək ehtirası yaranır. Gördüyüm işlərlə bağlı düşünəndə hesab edirəm ki, onlar mənim mənəvi varisimdi. Bu işləri görmək də yenə də davam edəcəm. Əlbətdə ki, çox şeylər də var ki, onları həyata keçirə bilməmişəm. Arxaya çevrilib baxanda görürsən ki, özünü inkişafa daha çox vaxt sərf etmək olardı. Bu şeylərə görə içimdə böyük peşmançılıq var. Kitab oxumağa, dil öyrənməyə daha çox vaxt ayırmaq olardı”.

Ş.Xuduoğlu kitabla bağlı gördüyü işlərdən də danışıb:

“Əlsində biz “Hüquq” nəşriyyatı kimi yaranmışdıq. Sonradan bu sahəni genişləndirərək müxtəlif sahələrə inteqrasiya etdik. Müxtəlif növdə bəddi və uşaq ədəbiyyatı kitabları nəşr etdik. Bizim ilk dəfə Azərbaycan dilində olan kitablarımız dükanlara çıxarılanda, onları götürmək istəmirdilər ki, Azərbaycan dilində kitab satılmır. Amma biz buna inandırmaq və əmin etmək yoluyla nail olduq. Kitablar yarmarkalara, küçələrə çıxarıldı. Kitabları daha çox satmağa yox, təqdim etməyə çalışdıq. İndi hər gün biz bir kitab nəşr edirik. Diqqətiniz üçün hamınıza təşəkkür edirəm”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]