Bizimlə əlaqə | Reklam
BolgeXeber.Com » Müsahibə-Reportaj » "Mədəm yoxdur, hər gün arıqlayıram, xəstəlik artır" - Tünzalə ağladı - VİDEO

"Mədəm yoxdur, hər gün arıqlayıram, xəstəlik artır" - Tünzalə ağladı - VİDEO

19-09-2018, 10:14
Oxunub: 5 446 "Mədəm yoxdur, hər gün arıqlayıram, xəstəlik artır" - Tünzalə ağladı - VİDEOXərçəngdən əziyyət çəkən əməkdar artist Tünzalə Əliyeva "Bizimləsən" verilişinin qonağı olub.

Bolgexeber.com axşam.az-a istinadən xəbər verir ki, aktrisa yaşadıqlarından bəhs edib. "Toppuş bacı" ləqəbi ilə tanınan Tünzalə hər şeyin səbəbinin arıqlamaq üçün etdirdiyi əməliyyatlar olduğunu deyib:

"Bu xəstəlik 5-6 ildir var imiş. Amma son günlər yemədiyim üçün imunitetim düşdü və xəstəlik irəlilədi. Hər gün yeməliyəm ki, kökəlim. Amma hər gün arıqlayıram. İndi 80 kiloqram olmuşam. Yeyə bilmirəm, mədəm yoxdur. Yumurta, zülal qəbul etməliyəm, olmur. İştah üçün vitaminlər qəbul etməliyəm, o da şişi böyüdür. Çox yeyəndə qaytarıram. Məsələn, bu gün mən bir konfet yemişəm. İmunitetim yoxdur, qanım aşağıdır. Kimyaterapiya da qəbul edə bilmirəm. Hətta həyat yoldaşım deyir ki, gedib süni mədə qoyduraq, arıqlama. Mən hər zaman deyirdim görəsən, nə vaxt çəkim ikirəqəmliyə düşəcək. Düşdü, amma bu cür. Arıqlamaq üçün etdirdiyim əməliyyatlara görə çox peşmanam".

Tünzalə bildirib ki, valideynləri onun xəstəliyindən xəbərsizdilər:

"Bilmələrini istəmirəm. Sağalmaq istəyirəm, qızım Zəhra balacadır. Onu məktəbə yola salmağı arzulayıram. Amma ömrüm buna yetəcəkmi... Qayınanam mənə çox dəstək olur. Hər dəfə xəstəxanaya gedəndə, qızımı qayınanama tapşırıram".

Göz yaşlarını saxlaya bilməyən T.Əliyeva müayinə üçün xaricə getməyə hazırlaşdığını söyləyib.
"Mədəm yoxdur, hər gün arıqlayıram, xəstəlik artır" - Tünzalə ağladı - VİDEOXərçəngdən əziyyət çəkən əməkdar artist Tünzalə Əliyeva "Bizimləsən" verilişinin qonağı olub
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]