Bizimlə əlaqə | Reklam
BolgeXeber.Com » Müsahibə-Reportaj » “Yoluxanların 82 faizi bu xəstəliyi yüngül keçirirlər”-TƏBİB

“Yoluxanların 82 faizi bu xəstəliyi yüngül keçirirlər”-TƏBİB

2-12-2020, 15:55
Oxunub: 5 898 Ölkəmizdə pandemiyanın 41-ci həftəsini yaşamaqdayıq. 40 həftə ərzində 129 min 544 yoluxma faktı qeydə alınıb.
Bunu TƏBİB-in infeksion xəstəliklər üzrə işçi qrupunun üzvü Nəzrin Mustafayeva Nazirlər Kabineti yanında Operativ Qərargahın bu gün keçirilən brifinqində deyib:
" Koronavirus səbəbilə ağırlaşmalar xroniki xəstəlikləri olan şəxslərdə daha çox qeydə alınır. Ürək-damar, hipertoniya, xərçəng xəstələrində bu hallar müşahidə olunur".

İnfeksionist bildirib ki, son günlərin statistikası əhali arasında panikaya səbəb olub: "Yoluxan şəxslərin 82 faizi bu xəstəliyi yüngül keçirir və onlar bu səbəblə evdə müalicə oluna bilərlər. Lakin bu şəxslər xəstəxanalara müraciət edir, həkim nəzarəti olmadan dərmandan istifadə edirlər. Vəziyyətləri ağırlaşdığı zaman isə xəstəxanaya gəlib, işi çətinləşdirmiş olurlar".

O qeyd edib ki, test nəticələri pozitiv çıxanlar və onların ailə üzvləri sosial izolyasiya qaydalarına biganə yanaşırlar: "Bu şəxsləri karantin qaydalarına ciddi riayət etməyə çağırıram. Təəssüf ki, xəstəliyin peyvəndi hələ təsdiqlənməyib. Bu səbəblə sosial məsafəni gözləməli, gigiyena qaydalarına riayət etməli, məcbur olmadıqda kütləvi yerlərdən uzaq qalmaq vacibdir. Yoluxma sayının ciddi şəkildə artıdığı dönəmdə əhalinin dəstəyinə ehtiyac var".
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]