Bizimlə əlaqə | Reklam
BolgeXeber.Com » Müsahibə-Reportaj » Azərbaycanda koronaviursdan ölənlərin sayı niyə 40-dan aşağı düşmür? - Tanınmış həkimdən AÇIQLAMA

Azərbaycanda koronaviursdan ölənlərin sayı niyə 40-dan aşağı düşmür? - Tanınmış həkimdən AÇIQLAMA

25-12-2020, 10:25
Oxunub: 5 257 Azərbaycanda koronavirusa yoluxma statistikası 5 gündür ki, vəziyyətin müsbət dinamikasına doğru dəyişdiydiyinə dair ümidləndirir.
Lakin ölkədə COVID-19 virusundan ölüm sayı 40-dan aşağı düşmür. Mövcud vəziyyət narahatlığı artıran ciddi məsələdir.
Bolgexeber.com baku.ws-ə istinadla xəbər verir ki, məsələyə tibb sahəsi üzrə professor, həkim Adil Qeybulla aydınlıq gətirib. O bildirib ki, müsbət dinamika və sərt tədbirlərin nəticəsi var: "Lakin bəziləri deyir ki, hər yer açılmalıdır. Əslində bu, çox məsuliyyətsiz çağırışdır.
Hesab edirəm ki, Azərbaycanda koronavirus pandemiyası ilə əlaqədar müsbət dinamika var. Rəsmi rəqəmlər reallığı əks etdirir. Çünki xeyli ambulator xəstələr, heç bir qeydiyyata düşməyən və özləri müalicə olunanlar var. Onların arasında ölüm halları necə qeydiyyata alınır? Bunu demək çətindir.
Əgər şəkərli diabet varsa, diabetdən ölüm kimi qeyd oluna bilər. Ölümlə bağlı 40 rəqəmi stasionarın rəqəmidir. Bu rəqəm onu göstərir ki, xəstəliyin yumşalması hələ müşahidə edilmir.
Sanki canlı orqanizmlərin viruslarla mübarizəsinin məsuliyyətli mərhələsi gedir. Yayılma zəncirini qırmaq üçün sərt tədbirlərdən başqa vaksinasiyanın da önəmi var. Amma vaksinasiya pandemiyanın sonu demək deyil. Vaksinlər müəyyən bir müddətə təsir edirlər. Birinci vaksin zamanı təxminən 42 günə immunitet formalaşır. Sonra antikor bədənə yığılması üçün ikinci vaksinasiya da tələb olunur.
Aktiv immunizasiya prosesi üçün müəyyən bir zaman lazımdır. Bir ay yarım vaksin və immunitetin formalaşmasına gedirsə, deməli pandemiyanın yaxın dövrlərdə ciddi dönüşünü gözləyə bilmərik".
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]