Bizimlə əlaqə | Reklam
BolgeXeber.Com » Müsahibə-Reportaj » Xalq artisti: “Nəvəm Eldar Qasımovla fəxr edirəm”

Xalq artisti: “Nəvəm Eldar Qasımovla fəxr edirəm”

16-05-2011, 17:15
Oxunub: 7 050
“Mənə ulu babam kömək etdi”.

Bu sözləri “Eurovision 2012” mahnı müsabiqəsini Azərbaycana gətirən təmsilçilərimizdən biri Eldar Qasımov müsabiqədən sonra keçirilən mətbuat konfransında jurnalistlərin suallarını cavabalandırarkən deyib.

Söhbət Azərbaycan teatrının korifeyi Abbas Mirzə Şərifzadədən gedir. Belə ki, Abbas Mirzə Şərifzadə Eldar Qasımovun nənəsinin, yəni xalq artisti Firəngiz Şərifovanın atası, məşhur aktrisa Mərziyə Davudova isə anasıdır. Eldarın ailəsi onun qələbəsi ilə fəxr edir. Onların qüruru yerə-göyə sığmır.

Təmsilçimizin nənəsi Firəngiz Şərifova ANS TV-yə açıqlamasında nəvəsinin qələbəsində genetik rolu xüsusi qeyd edib: “Birincisi, mən belə nəvə ilə fəxr edirəm. İkincisi, yenə də deyirəm ki, mənim ailəmin, qanımın, atamın davamçısı var. Mənim atam Abbas Mirzə Şərifzadə böyük aktyor olub. Anam Mərziyə Davudova da görkəmli aktrisa olub. Mən bu qandan gəlirəm”.

E.Qasımovun atası Pərviz Qasımov da oğlunun qələbə qazanacağından əmin olub.

“Əvvəldən bilirdim ki, o, yaxşı çıxış edəcək. O, istedadlı uşaqdır. Eldar məktəbdə də, institutda da yaxşı oxuyub. Ali məktəbi qırmızı diplomla bitirib. Alman dilində sərbəst danışır, ingilis dilində necə danışdığını özünüz gördünüz. Təhsilini rus dilində alıb. Azərbaycan dilini də yaxşı bilir”, - Pərviz Qasımov bildirib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]