Bizimlə əlaqə | Reklam
BolgeXeber.Com » Müsahibə-Reportaj » BAKIDA FIRILDAQ: “Q .net adlı şirkət 1200 manat pulumu mənimsəyib”

BAKIDA FIRILDAQ: “Q .net adlı şirkət 1200 manat pulumu mənimsəyib”

7-01-2022, 15:41
Oxunub: 8 080 “Q .net adlı şirkət 1200 manat pulumu mənimsəyib”. Bolgexeber.com xəbər verir ki, bu sözləri Famil Azad oğlu Abasov Bizimyol.info-ya müraciəti zamanı bildirib. Onun sözlərinə görə, adı çəkilən şirkət ona külli miqdarda gəlir əldə edəcəyini vəd edərək pulunu mənimsəyib, lakin indi pulu geri qaytarmır.
“Mən elektrik işləyirdim. Bir gün zəng gəldi ki, yaxşı iş var, tez bir zamanda həyatını dəyişəcək və s. Mən də soruşdum ki, harada yerləşir, dedilər ki, ofis “Caspian Plaza”da yerləşir. Getdim dedikləri ünvana. Mənə dedilər ki, işə qoşulmaq üçün əvvəlcə məhsul almalısan. Daha sonra isə adam cəlb etməklə, öz bisnesini qurursan, yaxşı pullar qazanırsan və s. Bir sözlə “başımı yedilər”. Gəldim qızıllarımı Bank Respublikaya qoydum və pul götürdüm. Həmin pulun üstünü də düzəldib 1200 manat etdim.
Həmin pulu da götürüb getdim şirkətin ofisinə. Mənə məsləhət gördülər ki, “bio-disk” deyilən bir məhsul var ondan sifariş edim. Guya bu məhsulu boynundan asanda insanın əhvalını yaxşılaşdırır, sağlamlığa yaxşı təsir edir. Nə isə, aldanıb həmin məhsul üçün pul ödədim. Düzü qorxurdum ki, pulum batar. Amma onlar məni inandırmışdı ki, adam yığa bilməsən, ödədiyin pulun məbləğinin arxasına bir “0” da artırıb qaytaracaqlar”.
Şikayətçinin sözlərinə görə, bu şirkətə qoşulan insanların sayı çoxdur. Burada 2000-2500 manat qoyan insanlar var. Hətta elə adamlar var ki, kənddə danasını satıb bu şirkətə qoyub.
“Mən və mənimlə birlikdə 15 nəfər pulumuzu tələb edirik. Amma şirkətdə çalışanlar deyirlər ki, “ağlın var idi gəlməyəydin”. Bu necə işdir axı? Orada binanın hər yerində kamera var. Verdiyimiz pulları necə qaytarmaya bilərlər? Şəhərin mərkəzində bu cür fırıldaqçılıqla necə məşğul ola bilirlər?
Bu şirkət camaatın qanını içir. Bizi böyük bir problemin içərisinə salıblar. Dəvət etdiyimiz qohum-əqrabaların bizə inamı ölüb, zənglərimizi açmırlar”,- deyə şikayətçi bildirir.
Məsələ ilə bağlı Daxili İşlər Nazirliyi ilə əlaqə saxladıq. Qurumdan bildirdilər ki, vətəndaşların hüquq-mühafizə orqanlarına gəlmələri, polisə müraciət etmələri tövsiyə olunur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]