Bizimlə əlaqə | Reklam
BolgeXeber.Com » Müsahibə-Reportaj » “Quru sərhədləri açılmalıdır, ancaq bu şərtlə ki,...” - Deputat

“Quru sərhədləri açılmalıdır, ancaq bu şərtlə ki,...” - Deputat

2-06-2022, 14:30
Oxunub: 7 632 "Mən hesab edirəm ki, quru sərhədləri də açılmalıdır, heç bir ciddi, qəti məhdudiyyətlər də olmamalıdır. Ancaq bir şərtlə ki, hər bir şəxs, hər bir insan, hər bir vətəndaş özünün sağlamlığını, təhlükəsizliyini qorumaq üçün lazımi tədbirləri özü görməlidir”.

Bu sözləri açıqlamasında Milli Məclisin deputatı Elman Məmmədov deyib. 

O, qeyd edib ki, pandemiya üçün nəzərdə tutulan müəyyən qayda-qanunlara əməl olunmalıdır:

"Müəyyən qayda-qanunlara əməl olunmalıdır. Yəni, bu pademiya üçün olan qayda-qanunlara hər bir şəxs özü fərdi qaydada əməl eləməlidir. Ailəsində əməl eləməlidir, ictimai yerlərdə əməl eləməlidir. Çünki bu, elə bir bəladır ki, düşünsək ki, birdəfəlik bundan tam sovuşduq, bu da doğru olmaz. Məsələ burasındadır ki, indi virus bir növ sönüb, elə də ciddi təhlükəsi qalmayıb, ancaq heç kim deyə bilməz ki, yeni bir bəla olmayacaq. İndi hamımız oxuyuruq ki, artıq bir neçə ölkədə meymunçiçəyi deyilən bir xəstəlik yayılıb”.

Deputat həmçinin qeyd edib ki, bundan sonra pandemiya üçün ciddi məhdudiyyətlərə ehtiyac yoxdur:

"Dünyadır, insanlar artır, elm, texnika inkişaf edir, istehsalat artır. Havanın çirklənməsi, ekologiya məsələləri və daha nələr mövcud olub. Buna görə də mən hesab edirəm ki, qəti qadağalar, məhdudiyyətlər olmasa da, hər kəs özü öz sağlamlığının, təhlükəsizliyinin təminatı üçün lazımi tədbirləri görməlidir, özünü qorumalıdır. Bundan sonra ciddi məhdudiyyətlər isə ehtiyac yoxdur”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]