BolgeXeber.Com » Müsahibə-Reportaj » Azərbaycanda yeni sürücülük vəsiqəsi almaq üçün nə lazımdır?

Azərbaycanda yeni sürücülük vəsiqəsi almaq üçün nə lazımdır?

1-08-2011, 22:20

Oxunub: 9 141

Azərbaycan vətəndaşları sürücülük vəsiqəsini itirdikdə, o, oğurlandıqda və ya etibarlılıq müddəti başa çatdıqda nə etməlidirlər?

Bolgexeber.com-un məlumatına görə, bu barədə məlumatı Day.Az saytına Respublika Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev açıqlayıb. Azərbaycan vətəndaşlarına sürücülük vəsiqəsinin 10 il müddətinə verildiyini xatırladan K.Əliyev deyib:

"Bəzən sürücü vəsiqəsini vaxtından tez yeniləməli olur. Məsələn, o, vəsiqəni itirir, vəsiqə oğurlanır, sürücü soyadını dəyişir və sair. Bu zaman vətəndaş ilk növbədə Baş Dövlət Yol Polisi İdarəsinin imtahan-qeydiyyat məntəqəsinə sağlamlıq haqqında tibbi arayış, şəxsiyyət vəsiqəsi və köhnə sürücülük vəsiqəsini təqdim etməlidir. O, bu sənədləri həftənin bazar günü istisna olmaqla, 6 gün ərzində təqdim edə bilər".

K.Əliyevin sözlərinə görə, sürücülük vəsiqəsinin yenilənməsi üçün 15 manat dövlət rüsumu nəzərdə tutulub: "Vəsiqə 1 gün ərzində dəyişdirilir. Azərbaycan qanunvericiliyinə görə, vəsiqə müddəti başa çatdıqdan sonra dəyişdirilə bilər. Amma bunun üçün tələb olunan sənədləri vəsiqənin müddətinin bitiminə bir neçə gün qalmış da təqdim etmək mümkündür".

Müddəti bitmiş vəsiqə ilə avtomobilin idarə olunması vəsiqəsiz sükan arxasına əyləşməyə bərabərdir. Bu zaman sürücü 60 manat məbləğində cərimələnir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]