BolgeXeber.Com » Media » Döyülən jurnalistlə bağlı bəyanat verildi

Döyülən jurnalistlə bağlı bəyanat verildi

18-04-2012, 19:20

Oxunub: 3 919

Təşikat İdrak Abbasovu döyənlərin cəzalandırılmasını tələb edir

"İnsan Haqları Uğrunda" İctimai Birlik Sulutəpə qəsəbəsində qanunsuz tikililərin sökülməsi zamanı jurnalist İdrak Abbasovun Neft Şirkətinin əməkdaşları tərəfindən döyülməsini qətiyyətlə pisləyərək, hakimiyyət nümayəndələrinin hərəkətlərinə etiraz edir. Təşkilatın mətbuat xidmətindən Bolgexeber.com-a daxil olan bəyanatda bildirilir ki, ötən il Azərbaycanın ictimai fikri Nəqliyyat Nazirliyinin qoçularının zorakılığından təngə gələrək bu özbaşınalığa qarşı ciddi etiraz təşkil edə bildi. Hazırda isə neft sənayesi idarəsinin təhlükəsizlik əməkdaşlarının səlahiyyətlərinə daxil olmayan ictimai asayişin bərqərar olunması adı ilə jurnalistin döyülməsi dövlət başçısı cənab İlham Əliyevin çıxışlarında hüquqi dövlət quruculuğuna və Azərbaycanın beynəlxalq öhdəliklərinə sadiqlik barəsində bəyan olunanlarla daban-dabana ziddir.

İctimai Birlik jurnalistə qarşı cinayət törədən şəxslərin müəyyən edilərək cəzalanmasını tələb edir.

Çox Oxunanlar