BolgeXeber.Com » Media » Media kapitanlarının toplantısı olacaq

Media kapitanlarının toplantısı olacaq

19-04-2012, 00:00

Oxunub: 3 652

Toplantı döyülən jurnalistlərlə bağlı olacaq

Ölkənin tanınmış media qurumlarının rəhbərləri sabah bir araya gələrək, bu gün Sulutəpədə döyülmüş jurnalistlərin - İdrak Abbasov və Günay Musayevanın məruz qaldığı hərəkətlərə etirazlarını bildirəcəklər.

Bu barədə "Yeni Müsavat" qəzetinin baş redaktoru Rauf Arifoğlu məlumat verib. R.Arifoğlunun sözlərinə görə, zərərəçəkən Günay Musayevanın çalışdığı "Yeni Müsavat" qəzetinin rəhbəri olaraq o və İdrak Abbasovun işlədiyi "Zerkalo" qəzetinin baş redaktoru Eıçin Şıxlı bu barədə razılığa gəliblər və media kapitanlarına müraciət ediblər.

R.Arifoğlu deyib ki, görüş sabah (aprelin 19-u) saat 13:00-da "Zerkalo" qəzetinin redaksiyasında baş tutacaq və jurnalist kollektivlərinin rəhbərləri jurnalistlərə fiziki xəsarət yetirmiş qoluzorluların cəzalandırılmasını, ümumiyyətlə, bu kimi hallara son qoyulmasını siyasi hakimiyyətdən və hüquq-mühafizə orqanlarından tələb edəcəklər.

Çox Oxunanlar