BolgeXeber.Com » Media » Ölkəmiz adı daha bir qara siyahıda

Ölkəmiz adı daha bir qara siyahıda

26-04-2012, 11:30

Oxunub: 3 718

“Sərhədsiz reportyorlar” media təşkilatı Mətbuat Azadlığı İndeksini açıqlayıb.

“Turan”ın məlumatına görə, indeksə 179 ölkə daxil edilib. Azərbaycan 162-ci yeri tutur.

Beynəlxalq təşkilatın açıqlamasında deyilir ki, 2011-ci il Azərbaycanda güclü repressiya cəhdləri ilə səciyyələnib, prezident İlham Əliyev hakimiyyəti tənqid edən mətbuatdan qisas alıb: “Jurnalistlər və bloqçular saxlanılır və azadlıqdan məhrum edilir, müstəqil mətbuata təzyiqlər artır, xarici jurnalistlər ölkədən deportasiya olunmaqla hədələnir. Hakimiyyət sosial şəbəkələrə nəzarət edir və etirazçı internet istifadəçilərini həbsə atır”.

Azərbaycanın qonşuları Gürcüstan 104-cü, Ermənistan 77-ci yeri tutub. Türkiyə 148-ci, Rusiya 142-cidir.

İndeksə görə, ən azad mətbuat Finlandiyada, ən qeyri-azad mətbuat isə Eritreyadadır.

Çox Oxunanlar