BolgeXeber.Com » Media » İcra hakimiyyətlərində gözlənilməz islahatlar

İcra hakimiyyətlərində gözlənilməz islahatlar

14-08-2012, 16:25

Oxunub: 4 312

Azərbaycanda yerli icra hakimiyyətlərində köklü islahatlar başlayıb.

Publika.Az xəbər verir ki, bütün rayon icra hakimiyyətlərində Elm, Təhsil və Səhiyyə, həmçinin İctimai Təşkilatlarla və Siyasi Partiyalarla İş şöbələri ləğv edilib. Bu iki şöbənin əvəzinə isə İctimai-Siyasi və Humanitar Məsələlər şöbəsi yaradılıb.

Bundan başqa, birbaşa rayon icra hakimiyyətinə tabe olan İnformasiya Təminatı və Təhlili Sektoru da yaradılıb.

Rayon icra hakimiyyətlərindəki Ümumi şöbənin isə adı dəyişdirilib. Bundan sonra ümumi şöbələr Sənədlərlə və Vətəndaşların Müraciətləri ilə İş şöbəsi adlanacaq.

Adı dəyişdirilən digər şöbə isə Sosial-İqtisadi şöbədir. Bu şöbənin adı dəyişdirilərək Sosial İqtisadi İnkişafın Təhlili və Proqnozlaşdırılması şöbəsi qoyulub. Hər bir rayon şöbəsindən həm də, 1 ekoloq ştatı ixtisar edilib.

Yuxarıda qeyd edilən Elm, Təhsil və Səhiyyə, həmçinin İctimai təşkilatlarla və Siyasi partiyalarla iş şöbələrinin ləğvindən sonra icra hakimiyyətlərində bir neçə ştat vahidi ixtisar olunacaq.

Çox Oxunanlar