BolgeXeber.Com » Media » Fərahim İlqaroğlunun şikayəti üzrə Daxili İşlər Nazirliyi (DİN) təhqiqata başlayıb

Fərahim İlqaroğlunun şikayəti üzrə Daxili İşlər Nazirliyi (DİN) təhqiqata başlayıb

22-11-2012, 11:40

Oxunub: 5 051

Ramil Usubov jurnalistlə bağlı göstəriş verdi.

Müxalifətin 17 noyabr mitinqində peşə fəaliyyətini yetirən zaman fiziki təzyiqə məruz qalan “Yeni Müsavat” qəzetinin əməkdaşı Fərahim İlqaroğlunun şikayəti üzrə Daxili İşlər Nazirliyi (DİN) təhqiqata başlayıb. Bu barədə musavat.com-a jurnalist özü məlumat verib. O bildirib ki, DİN-in əməkdaşı polis-polkovniki Asif Qubadov jurnalistin şikayəti üzrə nazir Ramil Usubovun göstərişi ilə təhqiqatın başlanıldığını bildirib. F.İlqaroğlu deyib ki, aparılan təhqiqatla bağlı bu gün Daxili İşlər Nazirliyinə çağırılıb.
Qeyd edək ki, mitinq zamanı döyülən vaxt Fərahim İlqaroğlunun əynində üzərinə “Press” yazılmış gödəkcə olub. Jurnalist nəfəsliyindən zərbə aldığına görə ciddi sıxıntı keçirib.
“Yeni Müsavat” qəzetinin baş redaktoru Rauf Arifoğlu daxili nazir Ramil Usubova rəsmi müraciət ünvanlayaraq jurnalistin xəsarət alması ilə bağlı məsələni araşdırmağı xahiş edib.

Çox Oxunanlar